ՊԱՏՄՈՒԹՅԱՆ ԱՅՍ ՕՐԸ (21 ԴԵԿՏԵՄԲԵՐԻ). Սյունեցիները խոչընդոտել են Փաշինյանի մուտքը Սյունիք․ «Փաստ»

«Փաստ» օրաթերթը գրում է.

ՀԱՅ-ՀԱՅԱՍՏԱՆ

1851– ծնվել է արևմտահայ արձակագիր, հրապարակախոս, գրական քննադատ և խմբագիր Արփիար Արփիարյանը:

1912- Կ. Պոլսում Հայոց Ազգային ժողովը որոշում է ընդունել Հայկական հարցը բարձրաձայնել Լոնդոնում հրավիրվելիք դեսպանների կոնֆերանսում։

1917- Էջմիածնում փակվել է Գևորգյան ճեմարանը։

1920 - ՀԽՍՀ հեղկոմի հրամանագրով Խորհրդային Հայաստանի սահմաններում վերացվել է «Ռուսական Կայսրության օրենքներն» այն փոփոխություններով, որոնք մտցրել էին ժամանակավոր կառավարությունը, Անդրկովկասյան կոմիսարիատը, Սեյմը և Հայաստանի դաշնակցական կառավարությունը։

1940 - ծնվել է բանաստեղծուհի, արձակագիր, լրագրող Նվարդ Ավագյանը։

1955– վախճանվել է մեծագույն պետական, ռազմական և քաղաքական գործիչ, ազգային ազատագրական պայքարի երախտավոր Գարեգին Նժդեհը:

1964 – վախճանվել է գրող, արձակագիր, թարգմանիչ Մովսես Արազին (Մովսես Հարությունյան):

1991- Ղազախստանի մայրաքաղաք Ալմա Աթայում 11 ինքնիշխան պետություններ (նախկին խորհրդային հանրապետությունները, բացի Վրաստանից և Մերձբալթյան երեք հանրապետություններից), ստորագրել են համաձայնագիր ԱՊՀ-ի ստեղծման մասին։ Դրանով վավերացվել է ԽՍՀՄ-ի փլուզումը և հանրապետությունների անկախությունը։

1998 –վախճանվել է հասարակական-քաղաքական գործիչ, ՀՅԴ կուսակցության անդամ Հրայր Մարուխյանը։

2004- Հոլանդիայի խորհրդարանը միաձայն ընդունել է Հայոց ցեղասպանության ճանաչմանը վերաբերող բանաձև:

2006-երկրորդ տարին անընդմեջ Հայաստանի լավագույն մարզիկ է ճանաչվել գրոսմայստեր Լևոն Արոնյանը:

2015-գառնեցիները փակել են գյուղի գլխավոր ավտոճանապարհը՝ ի նշան բողոքի կառավարության այն ծրագրի դեմ, որով գյուղի կողքով անցնող Ազատ գետի հաշվին Արտաշատի տարածաշրջանի 12 գյուղ ոռոգելի էր դառնալու։

2018-դատարանը 25 միլիոն դրամ գրավի դիմաց ազատ է արձակել Ազգային ժողովի նախկին պատգամավոր Մանվել Գրիգորյանին։ -մշակույթի և սփյուռքի նախարարությունների աշխատակիցները բողոքի ակցիա են անցկացրել կառավարության շենքի մոտ՝ պահանջելով չլուծարել երկու գերատեսչությունները։

2020- Նիկոլ Փաշինյանը փորձել է այցելել Սյունիք, բայց քանի որ սյունեցիները փակել են ճանապարհները, կարողացել է մտնել միայն Սիսիան քաղաք՝ մեծաթիվ անվտանգության ուժերի ուղեկցությամբ:

ԱՇԽԱՐՀ

1192 -Վիեննայի մոտ հերցոգ Լեոպոլդ 5-րդը գերի է վերցրել Անգլիայի թագավոր Ռիչարդ 1-ին Առյուծասրտին:

1375 – վախճանվել է իտալացի նշանավոր գրող և բանաստեղծ, հումանիստ Ջովաննի Բոկաչոն՝ «Դեկամերոնի» հեղինակը:

1765 -վախճանվել է չեխ հոգևորական և գիտնական Պրոկոպ Դիվիշը՝ շանթարգելի հայտնաբերողը:

1773 -ծնվել է բրիտանացի կենսաբան Ռոբերտ Բրոունը, որի անունով է կոչվել իր իսկ կողմից հայտնաբերված «բրոունյան շարժումը»:

1815 -ծնվել է ֆրանսիացի նկարիչ Թոմ Կուտյուրը:

1824 - վախճանվել է անգլիացի բժիշկ Ջեյմս Պարկինսոնը, որի անունով է կոչվել իր հետազոտած պարկինսոնյան հիվանդությունը:

1891 -Սպրինգֆիլդյան քոլեջում 18 ուսանող անցկացրել է աշխարհում առաջին բասկետբոլային հանդիպումը:

1896 - ծնվել է խորհրդային զորահրամանատար, մարշալ Կոնստանտին Ռոկոսովսկին:

1898 -Պիեռ և Մարի Կյուրիները հայտնագործել են ռադիումը:

1898 -ԱՄՆ-ը Ֆիլիպիններում սահմանել է ռազմական կառավարում:

1899 -Ռուսաստանում լույս է տեսել «Օգոնյոկ» ամսագրի առաջին համարը:

1913– ամերիկյան «New York World» հանդեսում տպագրվել է Արթուր Ուիննի կազմած՝ աշխարհում առաջին խաչբառը:

1925 -Մոսկվայում կայացել է «Պոտյոմկին զրահանավը» ֆիլմի պրեմիերան:

1937– տեղի է ունեցել առաջին լիամետրաժ՝ Ուոլթ Դիսնեյի «Սպիտակաձյունիկը և յոթ թզուկները» մուլտֆիլմի պրեմիերան, որը ամերիկյան բոլոր ժամանակների 10 լավագույն ֆիլմերի 10 ժանրերի ցանկում 1-ինն է մուլտֆիլմերի ցուցակում:

1957 -ընդունվել է Հոնդուրասի սահմանադրությունը:

1963 -հիմնադրվել է Ֆրանսիայի հանրային հեռուստատեսության գլխավոր հեռուստաալիքը՝ «France 2»-ը:

1967– ծնվել է վրացի պետական և քաղաքական գործիչ, Վրաստանի նախկին նախագահ Միխեիլ Սահակաշվիլին:

1968–ամերիկյան Ապոլո-8 տիեզերանավը թռիչք է իրականացրել Երկրից Լուսին: Սա առաջին տիեզերանավն էր, որ ապահով վերադարձել է Լուսնից:

1977-ծնվել է ֆրանսիացի քաղաքական գործիչ, Ֆրանսիայի 25-րդ նախագահ Էմմանուել Մակրոնը:

2007-Շենգենյան պայմանագրի երկրներին են միացել Լիտվան, Լատվիան, Էստոնիան, Լեհաստանը, Չեխիան, Սլովակիան, Սլովենիան, Հունգարիան և Մալթան:

2012 -առաջին անգամ YouTube-ի և համացանցի պատմության մեջ մեկ տեսահոլովակի դիտումները գերազանցել են 1 միլիարդը: Տեսահոլովակը հարավկորեական «Gangnam Style» խմբի երգն է եղել:

Մանրամասները՝ «Փաստ» օրաթերթի այսօրվա համարում