Զանգեզուրի պղնձամոլիբդենային կոմբինատը մրցույթ է հայտարարում

«ԶՊՄԿ» ՓԲԸ իր 70-ամյակի և Հանքագործի և մետալուրգի օրվա կապակցությամբ մեր մասնաճյուղի ուսանողների համար հայտարարում է մրցույթ՝ հանքարդյունաբերության ոլորտին նվիրված հետևյալ թեմաներով.

 

• Հանքարդյունաբերությունն աշխարհում (հեռանկարներ, ինովացիա, ժամանակակից թրենդեր):

 

• Հանքարդյունաբերությունը համաշխարհային տնտեսության մեջ, առաջատար երկրներն ու ընկերությունները, միտումներն ու հեռանկարները:

 

• Բնապահպանական և սոցիալական կառավարման նորարարությունները հանքարդյունաբերության մեջ (ալտերնատիվ էներգիա, թափոնների մշակում, ջրի շրջանաձև օգտագործում, զրո վնաս սկզբունք):

 

• Կապը հանքարդյունաբերության և կարբոնային արտանետումների կրճատման ռազմավարության իրագործման միջև: Կանաչ տնտեսությունը և հանքարդյունաբերությունը:

 

Կարող է լինել մի քանի թեմայի համատեղում, կամ կարող եք առաջարկել Ձեր նախընտրած թեման:

Հետազոտական աշխատանքի վերջնարդյունքը պետք է ներկայացվի power point-ով կամ համանման ձևաչափով:

 

Աշխատանքը պետք է պարունակի՝

 

• հետազոտության, ուսումնասիրության արդյունքներ, լինի հետաքրքիր, դինամիկ

 

• վիզուալ, գրաֆիկական, վիդեո նյութեր

 

• լինի առավելագույնը 10 րոպե՝ ներկայացման համար:

 

Աշխատանքների տարբերակները պետք է ներկայացնել մինչև սույն թվականի հուլիսի 1-ը: Հաղթողը կընտրվի մինչև հուլիսի 4-ը և աշխատանքը կներկայացնի միջոցառմանը՝ հուլիսի 14-ին: Հաղթողը կարժանանա դրամական պարգևի:

 

Լրացուցիչ հարցերի դեպքում կարող եք դիմել ՀԱՊՀ Կապանի մասնաճյուղի տնօրենի ՈՒՄԱ և ՄՀ գծով տեղակալ Տիմեյա Աղամյանին (հեռ՝. 094 99 35 31):