ՄԻՊ-ի մասին օրենքը կփոխվի. կառավարությունը դեմ չէ

 

Մասնավորապես առաջարկվում է փոխել «Մարդու իրավունքների պաշտպանի մասին» օրենքի 13-րդ հոդվածի 5-րդ մասը, որով նախատեսվում է, որ «պաշտպանի լիազորությունները դադարելու դեպքում, բացառությամբ ժամկետն ավարտվելու հիմքով պաշտպանի լիազորությունների դադարման դեպքի, պաշտպանի ընտրությունն անցկացվում է հաղորդագրության հրապարակման օրվանից հետո՝ մեկ ամսվա ընթացքում»: Նոր իրավակարգավորմամբ առաջարկվում է սահմանել 3-ամսյա ժամկետ։

Կառավարության հավանությանն արժանացած օրենքի նախագիծն առաջիկայում կներկայացվի խորհրդարանի քննարկմանը և ընդունվելու դեպքում ուժի մեջ կմտնի հրապարակմանը հաջորդող օրվանից։

 

Հիշեցնենք` ՀՀ ՄԻՊ Քրիստինե Գրիգորյանն այդ պաշտոնից ազատվել էր 2023թ–ի հունվարի 23-ին` 1 տարի պաշտոնավարելուց հետո։

Մարտի 28-ին «Քաղաքացիական պայմանագիր» խմբակցությունը պաշտոնապես Մարդու իրավունքների պաշտպանի պաշտոնում առաջադրել է Անահիտ Մանասյանի թեկնածությունը:

Ընդդիմադիր «Պատիվ ունեմ» և «Հայաստան» խմբակցություններն օմբուդսմենի թափուր պաշտոնում առաջադրել են Էդգար Ղազարյանի թեկնածությունը։