ՊԱՏՄՈՒԹՅԱՆ ԱՅՍ ՕՐԸ (17 ՄԱՅԻՍԻ). Կրա­կոց­ներ Վեր­նի­սա­ժում, բազ­մա­հա­զա­րա­նոց ցույ­ցեր Ստե­փա­նա­կեր­տում և Երև­ա­նում. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Հոմոֆոբիայի դեմ պայքարի համաշխարհային օր, Էլեկտրակապի և տեղեկատվական համայնքի միջազգային օր, Արգենտինա՝ Ռազմա-ծովային ուժերի օր, Լատվիա՝ Հրշեջի և փրկարարի օր, Նորվեգիա՝ Սահմանադրության օր, Նիգերիա՝ Սահմանադրության օր, Գերմանիա՝ Հոր օր։

ՀԱՅ-ՀԱՅԱՍՏԱՆ

1858-Մաթեոս Ա Կոնստանդնուպոլսեցին ընտրվել է Ամենայն հայոց կաթողիկոս։

1895-ծնվել է հայ զինվորական գործիչ, գվարդիայի գնդապետ, դիվիզիայի հրամանատար Սմբատ Դանիել յանը։

1966-վախճանվել է բանաստեղծ, արձակագիր, գրական-հասարակական գործիչ Վահրամ Ալազանը։

1979-ծնվել է արձակագիր, հրապարակախոս Արմեն Օհանյանը։

1988-Ստեփանակերտում և Երևանում տեղի են ունեցել բազմահազարանոց ցույցեր, իսկ Ստեփանակերտում՝ նաև գործադուլ՝ կապված սումգայիթյան դեպքերի հարցով կայացված մեղմ դատավճիռների հետ։

1992-Առաջին ղարաբաղյան պատերազմի ժամանակ հայկական զինված ուժերը գրավել են Հայաստանը Ղարաբաղին կապող Լաչինի միջանցքը։

2001-«Հայկական ավիաուղիներ» ընկերության՝ Թեհրանից Սարրի ուղևորված ՅԱԿ40 ինքնաթիռի վթարից զոհվել է ինքնաթիռի ողջ անձնակազմը, այդ թվում՝ ԻԻՀ տրանսպորտի նախարար Ռահման Դայմանը, փոխնախարարը, ԻԻՀ Մեջլիսի 6 պատգամավոր և նրանց ուղեկցող 22 պաշտոնատար անձ։

2006-Հայաստանի գիտությունների ազգային ակադեմիայի ընդհանուր ժողովում ակադեմիկոս Ռադիկ Մարտիրոսյանը ընտրվել է ԳԱԱ նախագահ։

2011-Երևանի Կոմիտասի անվան կամերային երաժշտության տանը մեկնարկել է ժամանակակից հայ կոմպոզիտորների ստեղծագործությունների համերգաշարը:

2014- կեսօրից հետո Երևանի Վերնիսաժում կրակոցներ են հնչել, ինչի հետևանքով հինգ հոգի հրազենային վիրավորում է ստացել։

ԱՇԽԱՐՀ

1215-անգլիական բարոնները, ապստամբություն սկսելով թագավոր Իոհան Անհողի դեմ, գրավել են Լոնդոնը։

1497-Վասկո դը Գամման հասել է Հնդկաստանի ափեր։

1510-վախճանվել է իտալացի նկարիչ Սանդրո Բոտիչելլին։ 1642-հիմնադրվել է Մոնրեալը։

1656-Ռուսաստանը պատերազմ է հայտարարել Շվեդիային։

1727-ռուսական գահին է բազմել Պետրոս 1-ինի անչափահաս որդի Պետրոս- 2-րդը։ 1742-Ֆրիդրիխ 2-րդը ջախջախել է ավստրիացիներին Սիլեզիայի Շոտուզիցայի ճակատամարտում։ 1792-ստեղծվել է Նյու Յորքի ֆոնդային բորսան:

1838-վախճանվել է ֆրանսիացի քաղաքական գործիչ և դիվանագետ Շառլ Մորիս դը Թալեյրանը։ 1861-Լոնդոնում առաջին անգամ ցուցադրվել է շոտլանդացի ֆիզիկ Ջեյմս Մաքսվելլի մեթոդով ստեղծված առաջին գունավոր լուսանկարը։

1885-Գերմանիան անեքսիայի է ենթարկել Նոր Գվինեան և Բիսմարկի արշիպելագը։

1887-սկսվել է Դոնբասի ածխահատների առաջին գործադուլը։

1904-ծնվել է կինոյի և թատրոնի ֆրանսիացի դերասան Ժան Գաբենը։

1916-Անգլիայում առաջին անգամ անցել են ամառային ժամանակի։

1917-Տրոցկին վերադարձել է Ռուսաստան, նրան և իր խմբին ընկերակցել են բոլ շևիկները։

1929 -Ֆիլադելֆիայում երկարատև փնտրտուքներից հետո ձերբակալվել է Ալ Կապոնեն։ -Կանադայում օդաչու Կոլդվելը փրկվելու համար առաջին անգամ օգտագործել է պարաշյուտը։

1940-Երկրորդ համաշխարհային պատերազմի ժամանակ գերմանական բանակը գրավել է Բելգիայի մայրաքաղաք Բրյուսելը։

1946-ծնվել է ռուս քաղաքական գործիչ Գալինա Ստարովոյտովան։

1973-ԱՄՆ-ի Սենատը սկսել է լսումները Ուոլտերգեյթսի գործով։

1983-խաղաղության պայմանագիր է ստորագրվել Իսրայելի և Լիբիայի միջև։

1995-Ժնևում աճուրդում վաճառվել է «Դի» ալմաստը ռեկորդային գնով՝ 16 548 750 դոլար։

2004-ԱՄՆ-ի Մասաչուսեթս նահանգում թույլատրել են միասեռ ամուսնությունները:

Մանրամասները՝ «Փաստ» օրաթերթի այսօրվա համարում