Ինչպես ուտել ամանորյա տոներին ու չգիրանալ

Past.am

Թերեւս ոչ ոք ի վիճակի չէ դիմանալ ամանորյա ճոխ սեղանների գայթակղությանը։ Նույնիսկ ամենախիստ դիետաներին հետեւողներն ամանորին մոռանում են իրենց սննդակարգի մասին ու օգտվում ճոխ սեղաններից։

Իսկ տոներից հետո կշեռքին կանգնելով՝ դեպրեսիայի մեջ են ընկնում՝ մի քանի կիլոգրամ ավել քաշն ապահովված է։ Սակայն պետք է իմանալ, որ կա մի քանի տարբերակ՝ Ամանորին ուտելու եւ չգիրանալու։

Իրականում դրանք օրգանիզմին խաբող միջոցներ են։ Չափազանց ազատ հագուստ մի հագեք Ազատ հագուստն իհարկե անչափ հարմարավետ է, սակայն այն թույլ է տալիս չափից ավելի ուտել, քանի որ չի ճնշում մարմինն ու շարժումները։

Ամանորին նեղ հագուստ կրեք, եւ չեք կարողանա շատ ուտել, անմիջապես հագուստը կճնշի։ Սնունդ պատրաստելու մասին հաղորդումներ մի նայեք Առանց այն էլ խոհանոցից համեղ հոտեր են գալիս, երբ դուք էլ նման հաղորդումներ դիտեք, հաստատ չեք կարողանա դիմադրել մի լավ ուտելու գայթակղությանը։

Ուտելուց հետո ոչինչ մի վերցրեք սեղանից

Սովորաբար ուտելուց հետո ժամանակ առ ժամանակ ամանորյա սեղանից ինչ-որ փոքրիկ բան ենք վերցնում՝ ուտում, մեկ զեյթուն, մի կտոր պանիր եւ այլն։ Քաշի համար սա չափազանց վտանգավոր է։ Փոքր ափսե վերցրեք

Գուցե չցանկանաք, որ ամանորյա սեղանին դրված նույնանման ափսեների մոտ այլ ափսե լինի, սակայն եթե չեք ցանկանում շատ ուտել, փոքր ափսե վերցրեք, դրանում շատ ուտելիք չի տեղավորվի, դուք էլ քիչ կուտեք։

Ուտելիքը մանր կտորների վերածեք Սովորաբար կշտանալու զգացողությունը վրա է հասնում ուտելուց 20 րոպե անց։ Եթե ձեր ափսեի պարունակությունը մանր կտրոների վերածեք, երկար կուտեք ու շուտ կկշտանաք։

Ամբողջ չափաբաժինը մի կերեք

Մարդիկ կան, որ կարծում են, թե ափսեում ուտելիքի մնացորդ թողնելը վատ դաստիարակության նշան է։ Գուցե եւ այդպես է, սակայն դա օգնում է չգիրանալ, նախքան ուտելիքը մինչեւ վերջ ուտելը ինքներդ ձեզ ասեք՝ ժամանակն է կանգ առնել։ Նախաճաշին չափը չանցնել Իհարկե, նախաճաշն ամենակարեւորն է սնունդ ընդունելու ժամերից, սակայն ամանորյա արձակուրդներին մոռացեք այս մասին։ Առանց այն էլ նախօրեին շատ կերած կլինեք, թողեք՝ առավոտյան ստամոքսը հանգստանա։