Կախարդական վայրեր, որտեղ կիրականանա ձեր բոլոր երազանքները

Բոլորն էլ ցանկանում են տեսնել, թե ինչպես են իրականանում իրենց նվիրական երազանքները։ Ձեզ ենք ներկայացնում այնպիսի կախարդական վայրեր, որոնք ունակ են ի կատար ածել դրանք։

Նրանց, ովքեր հավատում են հրաշքներին եւ սիրում են ճամփորդել, ներկայացնում ենք աշխարհում հայտնի հինգ վայր, որտեղ պետք է գնալ, երազանք պահել եւ հուսալ, որ այն անպայման կիրականանա։

Եվ այսպես...

Կարլովի կամուրջ (Պրահա)

Վլտավա գետի վրայով անցնող Կարլով կամուրջը աշխարհի ամենահին եւ ամենագեղեցիկ կամուրջներից մեկն է։

Ավելի քան 600 տարի առաջ՝ 1357թ-ի հուլիսի 9-ին, 5։31 Կառլ IV թագավորն այստեղ տեղադրեց առաջին քարը։ Սա կատարվեց հենց այս րոպեին՝ համաձայն մի աստղագետի խորհրդի, ով մտածել էր թվերի հետեւյալ՝ 1-3-5-7-9-7-5-3-1դասավորությունը։

Մինչ այժմ Պրահայի բնակիչները, ինչպես նաեւ զբոսաշրջիկները  հավատում են, որ այս կամուրջի վրա պահված ցանկացած երազանք անպայման ի կատար կածվի։

Ահա թե ինչպես է պետք երազանք պահել. անհրաժեշտ է մի ձեռքը դնել Յան Նեպոմուցկու արձանի, իսկ մյուսը՝ կամրջին պատկերված շան վրա  կամ պարզապես ձեռք տալ հինգաստղանի խաչին, որը տեղադրված է մարմարե սալաքարի վրա։

Զրոյական միջօրեական (Լոնդոն)

Լոնդոնի հարավ-արեւելքում՝ Գրինվիչում է գտնվում մեծն Քրիստոֆեր Ռենի հանրահայտ աստղադիտարանը։ Հենց այս աստղադիտարանի տարածքում էլ տեղակայված է Զրոյական միջօրեականը, որը Երկրագունդը բաժանում է երկու կիսագնդերի՝ Արեւելքի եւ Արեւմուտքի։

Ինչպես երազանք պահել. պետք է այնպես կանգնել, որ մի ոտքը լինի Արեւելքում, իսկ մյուսը՝ Արեւմուտքում։ Կա նաեւ մեկ այլ տարբերակ. երկու ոտքերով կանգնել միջօրեականի գծի վրա եւ երազանք պահել։

Տրեւի շատրվան (Հռոմ)

Եթե կարողանաք երազանք պահել եւ մետաղադրամը նետել Հռոմի ամենամեծ շատրվանի մեջ, ապա այն անպայման կիրականանա։ Ընդ որում, պետք է շատրվանին մեջքով կանգնել եւ մետաղադրամը նետել աջ ձեռքով, ձախ ուսի կողմով։

Եթե շատրվանի մեջ նետեք մեկ մետաղադրամ, ապա բախտը ձեզ նորից Հռոմ գալու հնարավորություն կընձեռնի, իսկ եթե երկու՝ սիրային հանդիպում կամ ծանոթություն մի իտալացու հետ, երեք՝ ամուսնություն. չորս մետաղադրամի դեպքում ձեզ մեծ հարստություն է սպասվում, հինգի դեպքում՝ բաժանում։

Ի դեպ, ամեն տարի այս շատրվանից մոտ 700000 եվրո գումար են դուրս հանում։

Բլարնի ամրոց (Իռլանդիա)

Իռլանդիայում գտնվող այս ամրոցը բավականին հայտնի է զբոսաշրջիկների շրջանում, քանի որ այն իրականցնում է հազարավոր երազանքներ։

Ամրոցի պատերից մեկի մեջ որմնաշարված է «ճարտասանության քարը» կամ Բլարնի կախարդական քարը, որը համբուրելով դուք մեկ ակնթարթում ճարտասանական տաղանդ  ձեռք կբերեք, իսկ այժմ ճարտասանական ձիրքին փոխարինելու է եկել անգլերեն արագ սովորելը։ Ի դեպ, այս կախարդական քարը բավականին բարձր մասում է տեղակայված եւ մեծ ջանքեր պետք է գործադրել դրան հասնելու համար։

Ամրոցի շրջակայքում կա նաեւ Blarney House տնակը՝ Rock Close կախարդական այգիով, որտեղ կարելի է տեսնել «վհուկ աստիճանը»։

Ինչպես երազանք պահել. առաջին դեպքում ամեն ինչ պարզ է. պետք է բարձրանալ եւ համբուրել քարը։ Երկրորդի պարագայում պետք է փակ աչքերով իջնել «վհուկ աստիճանով»՝ առանց պատերին դիպչելու։

Լացի պատ (Իսրայել)

Ամենամեծ սրբավայրը բոլոր հրեաների համար Իսրայելում գտնվող այս պատն է, որն անվանում են Լացի պատ։ Այս շինությունը կանգուն է մնացել դեռեւս Հերովդես Մեծի ժամանակներից ի վեր։

Այսօր ոչ միայն ուղղափառ հրեաները, այլեւ շատ ուրիշ կրոնական պատկանելիություն ունեցող մարդիկ գալիս են Իսրայել՝ տեսնելու Լացի պատը, աղոթելու նրա մոտ եւ երազանքներ պահելու համար։

Ինչպես երազանք պահել. ցանկությունները գրում են թերթիկների վրա, այնուհետեւ դնում պատերի արանքում եւ հավատում, որ մի օր դրանք անպայման կիրականանան։

Մարիամ Աստվածածնի տունը (Եփեսոս)

Հնագույն Եփեսոս քաղաքից (Թուրքիա) ոչ շատ հեռու գտնվում է քրիստոնյաների համար սուրբ ու կարեւոր համարվող մի վայր՝ Մարիամ Աստվածածնի տունը։ Ըստ առասպելի՝ Հիսուս Քրիստոսի մայրն իր կյանքի վերջին տարիները հենց այս տանն է անցկացրել. դրանից հետո տեղի է ունեցել նրա Վերափոխումը՝ անցում դեպի մեկ այլ աշխարհ։

Կաթոլիկ եկեղեցու կողմից այս վայրը համարվել է սրբավայր, եւ ամեն տարի հազարավոր քրիստոնյաներ օգոստոսի 15-ին գալիս են աստեղ եւ հարգանքի տուրք մատուցում Աստվածամորը։

Ինչպես երազանք պահել. այս տարածքում մատուռ կա, որն ունի բուժիչ հատկություններ։ Դրա կողքին երազանքների պատն է, որի հատուկ պարսպի վրա կարելի է մի կտոր կամ երիզ կապել՝ չմոռանալով երազանք պահելու մասին։

  Աղբյուրը՝ Kleo