Սթրեսսը չի՛ կարճացնում կյանքը, մթության մեջ կարդալը չի՛ փչացնում տեսողությունը, ալկոհոլը չի՛ սպանում ուղեղի բջիջներ․․․ 5 սպառնալիքներ առողջությանը, որոնք իրականում միֆ են

Blognews.am-ը գրում է.

 

Վերջին տարիներին առողջության ու արտաքին տեսքի հետ կապված շատ խնդիրներ սկսեցին վերագրել սթրեսին։ Ժամանակից շո՞ւտ եք սկսել սպիտակել ու կորցնել մազերը՝ մեղավոր է սթրեսը։ Գիրանո՞ւմ ես՝ մեղավոր է սթրեսը։ Վա՞տ ես քնում՝ մեղավոր է սթրեսը։ Ավելի հաճա՞խ ես սկսել հիվանդանալ՝ մեղավոր է սթրեսը։ Եվ այսպես շարունակ։ Համարվում է, որ քրոնիկական սթրեսը նույնիսկ մահացու կարող է լինել, որովհետև այն բերում է սրտանոթային հիվանդությունների ու կաթվածի։

Սական ավստրալացի գիտնականների նոր ուսումնասիրությունները հեղափոխում են նախկինում եղած պատկերացումները սթրեսի ու առողջության վրա իբր բացասական ազդեցություն ունեցող այլ գործոնների մասին, որոնց հավատում է մարդկության մեծամասնությունը։

 

Ավստրալական հեղինակավոր Նոր Հարավային Ուելսի համալսարանը հրապարակել է 10 տարի տևած հետազոտությունների արդյունքները, որոնց մասնակցել են ավելի քան միլիոն կանայք՝ ամենաերջանիկներից մինչև ամենադժբախտները։ Արդյունքում հնարավոր չի եղել գտել որևէ օրինաչափություն, որը կապացուցեր, որ սթրեսն ու դժբախտությունները որևէ կերպ ազդում են մահացության վրա։ Նույն կերպ հնարավոր չի եղել գտնել որևէ օրինաչափություն, որը կփաստեր, որ երջանկությունը երկարացնում է կյանքը։

Փոխարենը մի հետադարձ կապ հնարավոր է եղել պարզել. հիվանդությունը կարող է դժբախտացնել ձեզ, բայց դժբախտությունն ինքնին չի բերում հիվանդության։

 

Սրան հատկապես հեշտ է հավատալ՝ հետևելով հարբած մարդկանց, ում մոտ հաճախ են լինում հիշողության կորուստներ, մտածելու ու սեփական գործողությունները կառավարելու անկարողություն և այլ տիպի նշաններ։ Այդ ամենը որևէ կերպ կապված չեն նեյրոնների մահվան հետ, այլ հետևանք են ուղեղից մարմնին տրվող էլեկտրական ազդանշանների խաթարման, սակայն դրանք լրիվ վերականգնում են իրենց ֆունկցիոնալությունը հարբածության անցնելուց հետո։

Սակայն ալկոհոլի չարաշահումն, այնուամենայնիվ, կարող է բերել անդառնալի վնասակար հետևանքների, քանի որ, որպես կանոն, ալկոհոլի չարաշահումը զուգակցվում է այլ վնասակար սովորությունների հետ, ինչպիսիք են ծխելն ու անառողջ սնվելը։ Այս ամենի ընդհանուր ներգործությունից տուժում են ուղեղը, սիրտը, լյարդն ու կենսական նշանակություն ունեցող այլ օրգաններ։

 

Անգլիայում մի անգամ այսպիսի գիտափորձ արեցին. կամավորների մի խումբ վարակեցին հարբուխով քթի լորձաթաղանթի միջոցով, իսկ հետո նրանց մի մասին թողեցին տաք սենյակում, մյուս կեսին էլ թաց վիճակում քամու տակ թողեցին, իսկ հետո հագնված՝ թաց մազերով ու գուլպաներով։ Որքան էլ տարօրինակ թվա, երկրորդ խմբից ոչ ոք չհիվանդացավ ավելի ուժեղ, քան այն խումբի ներկայացուցիչները, որոնք նստած էին տաք սենյակում։ Այստեղից հետևություն. Ձեր դիմադրողական համակարգը չի թուլանում նրանից, երբ Դուք մրսում եք։

Ի դեպ, միֆ է նաև այն պնդումը, որ մարդը կորցնում է ջերմությունը գլխի միջոցով։ Իրականում հասուն մարդու մոտ ջերմության միայն 10 տոկոսն է դուրս գալիս գլխի միջոցով։ Հիշեք նաև այն, որ ջերմություն մենք կորցնում ենք մարմնի ցանկացած հատվածով, որը ծածկված չէ, այնպես որ, գլխարկ հագնելն ավելի կարևոր չէ, քան ձեռնոցներ կրելը։

Միակ բացառությունները նորածիններն ու մանկահասակ երեխաներն են, ում մոտ իրոք ջերմությունը հիմնականում դուրս է գալիս գլխի միջոցով, որովհետև այն նրանց մարմնի ամենախոշոր մասն է։

 

Թույլ լուսավորության ներքո կարդալն անհարմար է ու ոչ այնքան հաճելի, բայց միայն այսքանը։ Համենայն դեպս, այսպես է պնդում օպտոմետրիայի ավստրալացի պրոֆեսոր Նաթան Էֆրոնը։ Չկա ոչ մի ապացույց, որ վատ լուսավոորությունը մշտական վնաս է հասցնում։

Ամենայն հավանականությամբ, վատ լուսավորության պայմաններում ընթերցելուց Դուք կարող եք լարվածություն, հոգնածություն և անգամ այրուք զգալ աչքերում, որը, սակայն, անցնում է օրվա ընթացքում։

 

Եթե մշտապես աշխատանքը սկսում ես վաղ առավոտյան, ապա դա միայն սրում է կիսաքուն վիճակի զգացողությունը։ Սրան են հանգել Օքսֆորդի համալսարանի կլինիկական նյարդաբանության Նաֆֆիլդյան բաժանմունքի գիտաշխատողներն անցկացված հետազության արդյունքում։ Ավելին՝ վաղ արթնացողների մոտ ավելի բարձր է շաքարախտի, սրտանոթային հիվանդությունների ու հիպերտոնիայի հավանականությունը, ինչպես նաև ավելի հաճախ են դյուրագրգիռության ու անհանգստության դրսևորումները, որոնք առաջացնում են հակվածություն ալկոհոլի ու հանգստացնող դեղամիջոցների նկատմամբ։

Եվ հակառակը. այն մարդիկ, ովքեր աշխատանքային օրը սկսում են ավել ուշ, ավելի արդյունավետ են աշխատում ու ավելի կենսուրախ են ընդհանուր առմամբ։ Սակայն սա էլ պետք չէ չարաշահել, որովհետև Քնի բժշկության ամերիկյան ակադեմիան պարզել է, որ չափազանց երկար քունը նույնքան վնասակար է առողջության համար, որքան քնի քչությունը։ Մասնավորապես՝ 9 ժամից երկար տևող քունն արդեն վնասակար է, իսկ այդքան երկար հորիզոնական դիրքում մնալը դանդաղեցնում է արյանն շրջանառությունը դեպի օրգաններ ու ազդում է արյան մեջ շաքարի մակարդակի վրա՝ բարձրացնելով շաքարախտի, կաթվածի ու սրտանոթային հիվանդությունների հավանականությունը։ Այնպես որ, ամենաօպտիմալը 7 ժամից ոչ պակաս և 9 ժամից ոչ ավել տևող քունն է։