Սուրբծննդյան 5 ամենատարօրինակ ուտեստները՝ աշխարհի տարբեր ծայրերից (ֆոտո, տեսանյութ)

Blog.1in.am-ը գրում է.

Եվրոպական դասական սուրբծննդյան ընթրիքն իրենից ներկայացնում է եփված միս ու բանջարեղեն և քաղցր ռուլետ՝ դեսսերտի համար։ Սակայն եթե նայենք, թե ինչ են ուտում աշխարհի տարբեր ծայրերում բնակվող քրիստոնյաները, ապա խսիտ կզարմանանք։ Կաթոլիկական Սուրբ Ծննդին ընդառաջ՝ ձեզ ենք ներկայացնում աշխարհի ամենաէկզոտիկ սուրբծննդյան ուտեստները։

1. Կետի կաշի ու փոկի լցոնած մորթիներ (Գրենլանդիա)

Գրենլանդիայի բնակիչները սուբծննդյան ընթրիքին մատուցում են ավանդական էսկիմոսական ուտեստներ՝ մակտակ և կիվիակ։ Մակտակն իրենից ներկայացնում է կետի սառեցված կաշի՝ սալով։ Այն կտրատում են խորանարդիկների տեսքով ու ուտում են ինչպես սառեցված, այնպես էլ հալված տեսքում։ Այն նաև ապխտում են։

Կիվիակը խիստ էկզոտիկ ուտեստ է։ Միանգամից ասենք, որ այն խիստ սիրողական է։ Այն պատրաստում են հետևյալ կերպ. գլխատված փոկի մարմնի մեջ խցկում են հենց Գրենլանդիայում ապրող թռչուններ։ Իրանը փակում են սալով ու թաղում են հողի մեջ մի քանի ամսով։ Հետո այն հանում են հողի տակից ու ուտում թռչունների միսը մաքուր օդին, քանի որ այս ուտեստը, ինչպես ինքներդ եք հասկանում, մեղմ ասած, սպեցիֆիկ հոտ ունի։

2. KFC հավի միս (Ճապոնիա)

Ծագող արևի երկրի բնակչության մեծամասնությունը կամ սինտոիստ է, կամ էլ բուդդիստ, ու Սուրբ ծնունդը նրանք կարծես թե չպետք է նշեն։ Սակայն ամեն դեկտեմբերի 25-ին ճապոնական ընտանիքներն ամբողջական կազմով ուղևորվում են դեպի ֆաստ ֆուդի KFC կետերը, որպեսզի պատվիրեն ցանցի ֆիրմային ուտեստը՝ տապակած հավի միս։

Սուրբ ծնունդը նշելու ավանդույթը ծնվեց Ճապոնիայում՝ շնորհիվ KFC-ի մարքեթինգային արշավի։ 1974 թվականին հեռուստացույցների էկրաններին հայտնվեց գովազդային մի հոլովակ, որտեղ արտասահմանցիների մի խումբ ապարդյուն ջանում էր սուրբծննդյան հնդկահավ գտնել Տոկիոյում։ Նրանց օգնության է գալիս KFC ռեստորրանը ու մոտավորապես 10 դոլարին համապատասխանող գումարով (2920 յեն) արտասահմանցիները պատվիրում են հավի թևիկներ ու գինի։ Այսօր, բացի հավից, պատվերի մեջ մտնում է նաև տորթ ու մեկ շիշ շամպայն, իսկ գինն աճել է՝ հասնելով 3336 յենի, որը հավասար է մոտ 40 դոլարի։

3. Գառան ապխտած գլուխ (Նորվեգիա)

Ավանդույթների համաձայն, սմալահովեն համարվում էր Նորվեգիայի աղքատների ուտեստ, քանի որ նրանք չէին կարող իրենց թույլ տալ գնել մսի ավելի թանկ կտորներ։ Սմալահովեն պատրաստելու համար գառան գլուխն աղի մեջ են դնում, հետո ծխեցնում են, իսկ հետո ապխտում։ Դրանից հետո այն եփում են մի քանի ժամ։ Սմալահովեն մատուցում են կարտոֆիլի կամ այլ բանջարեղենային պյուրեից խավարտի հետ։ Տեղացի որոշ գուրմաններ ուտում են անգամ աչքերն ու ուղեղը, որոնք գանգից հանում են գդալի օգնությամբ, իսկ այս ամենի հետ խմում են բնականաբար ակվավիտ, որը սկանդինավների ավանդական ուժեղ խմիչքն է։

4. Կիլկա՝ կարտոֆիլով (Շվեդիա)

Շվեդիայում Սուրբ Ծննդի երեկոյան մատուցում են Janssons frestelse («Յանսոնի գայթակղությունը») կոչվող ուտեստը։ Իր անվանմամբ այն պարտական է Ադոլֆ Յանբսոնին, ով հայտնի էր որպես իսկական գուրման ու պաշտում էր ուտելիքը։ Ավանդական «գայթակղությունն» իրենից ներկայացնում է եփած կարտոֆիլ՝ մարինացված անչոուսների հետ, սակայն այսօր դրա պատրաստման համար անչոուսների փոխարեն օգտագործում են կիլկաներ, շպրոտներ ու փոքր սելդեր։

5. Տապակած թրթուրներ (ՀԱՀ)

ՀԱՀ-ում ու մի շարք այլ հարավաֆրիկյան երկրներում սուրբծննդյան սեղաններին կարելի է հանդիպել թերևս ամենաարտասովոր ուտեստը՝ եվրոպացու տեսանկյունից։ Այս դելիկատեսը պատրաստում են սիրամարգաաչք թիթեռների թրթուրներից, իսկ տեղացիներն այն անվանում են մոպանե։ Այս թրթուրները մի քանի անգամ ավելի թանկ են, քան սովորական միսը։ Թրթուրներին չորացնում են, ապխտում են, կոնսերվացնում են ձմռան համար, ինչպես նաև տաապակում են տոների համար։ Թրթուրների հավաքման սեզոնը համընկնում է սուրբծննդյան տոների հետ։