Ազատության հրապարակը՝ արդեն նոր Սահմանադրության իրականությունում. ֆոտոշարք

Past.am-ը շարունակում է ուշադրության կենտրոնում պահել «Նոր Հայաստանի» նստացույցը: Սահմանադրական հանրաքվեին հաջորդած գիշերը, երբ Երեւանում գրանցվել է -10 աստիճան ցուրտ, նստացույցի մասնակիցներն իրենց դիրքերը չեն զիջել: Այսօր առավոտյան Ազատության հրապարակում քննարկումներ էին` տեղի ունեցած հանրաքվեի, ընտրակեղծիքների, «Այո» ընտրողների եւ հասարակությունն առողջացնելու մասին:

Ի դեպ, ոստիկանները շարունակում են նույն զգոնությամբ հետեւել հրապարակում անցուդարձ անող քաղաքացիների պայուսակների պարունակությանը: Past.am-ի ֆոտոլրագրող Գագիկ Աղբալյանի ուսապարկի պարունակությունն այսօր ոստիկանները ստուգել են մեծ ուշադրությամբ, առանց ներկայացնելու դրա հիմքը եւ պատճառները, եւ ոչինչ «վտանգավոր» չհայտնաբերելով՝ ներողություն խնդրել:

Գագիկ Աղբալյան