ՊԱՏՄՈՒԹՅԱՆ ԱՅՍ ՕՐԸ (19 ՄԱՐՏԻ). Հա­յաս­տա­նի և Իրա­նի նա­խա­գահ­նե­րը պաշ­տո­նա­պես բա­ցել են Իրան - Հա­յաս­տան գա­զա­տա­րը

ՏՈՆԵՐ

Հաճախորդի միջազգային օր, Ռուսաստան՝ Ստորջրյա ծովայինի օր, Իտալիա, Մալթա, Լիխտենշտեյն՝ Սուրբ Հովսեփի օր։

ՀԱՅ-ՀԱՅԱՍՏԱՆ

1913- ծնվել է սփյուռքահայ բանաստեղծուհի Մարի Աթմաճյանը: 

1920- Նժդեհի զանգեզուրյան ուժերի կողմից մի քանի ուղղություններով գրոհ է իրականացվել Օրդուբադի և Նախիջևանի այլ բնակավայրերի վրա, սակայն հարձակումը հաջողություն չի ունեցել։ 

1921 - ծնվել է հայկական ծագումով ամերիկացի ջազային երաժիշտ Հերի Բաբասին: 

1928- ծնվել է ճանաչված դերասանուհի Վարդուհի Վարդերեսյանը: 

1961 - վախճանվել է հայ խորհրդային քիմիկոս-տեխնոլոգ Էդգար Տեր-Ղազարյանը։ 

1983 - ծնվել է ժամանակակից արձակագիր Արամ Պաչյանը։ 

1986 - վախճանվել է գրականագետ Սուրեն Աղաբաբյանը։ 

1988-ԽՍՀՄ կուսակցական բարձրաստիճան պաշտոնյաները Մոսկվայում հանդիպում են ունեցել գիտության և մշակույթի՝ ազգությամբ հայ և ադրբեջանցի գործիչների, ինչպես նաև ԼՂԻՄ-ի աշխատանքային կոլեկտիվների ներկայացուցիչների հետ։ 

1993 - վախճանվել է հայկական ծագմամբ ֆրանսիացի կոմպոզիտոր Ժորժ Կարվարենցը։ 

1994-ահաբեկչություն է տեղի ունեցել Բաքվի մետրոյի «Հունվարի 20» կայարանում։ Ինքնաշեն ռումբի պայթյունի հետևանքով զոհվել է 14 և վիրավորվել 49 մարդ։ 

2005-15 մարդ է տուժել Վրաստանի Ծալկայի շրջանի Ավրալո գյուղում տեղի ունեցած ազգամիջյան բախումների հետևանքով, որին մասնակցել են աջարները, հույները և հայերը: 

2007- Մեղրիում Հայաստանի և Իրանի նախագահներ Ռոբերտ Քոչարյանը և Մահմուդ Ահմադինեջադը, վառելով խորհրդանշական ջահը, պաշտոնապես բացել են Իրան - Հայաստան գազատարը: 

2012- Երևանի Աբովյան փողոցում գործող Ալեն-Էլեն ժամանցի կենտրոնում տեղի է ունեցել պայթյուն, որի հետևանքով տուժել է 10 անձ։ Պայթյունի պատճառը եղել է ակումբի հաճախորդներից մեկի նետած նռնակը։ 

2017-Երևանում բացվել է տիկնիկային պատկերասրահ, որտեղ այցելուները կարող են տեսնել ավելի քան 300 ամենատարբեր տիկնիկներ:

ԱՇԽԱՐՀ

235 –վախճանվել է Հռոմի կայսր, Սևերոսների հարստության վերջին շառավիղ Ալեքսանդր Սևերոսը։ 

1474- Վենետիկում ընդունվել է օրենք հայտնագործությունների պահպանման մասին, ինչը փաստացի աշխարհում առաջին օրենքն է հեղինակային իրավունքի մասին: 

1514 -Տրիստան դա Կունիան Հռոմի պապին պորտուգալական թագավորի կողմից նվիրել է հնդկական փիղ։ 

1601 –ծնվել է իսպանացի քանդակագործ և գեղանկարիչ, բարոկկո ոճի ներկայացուցիչ Ալոնսո Կանոն։ 

1687 -վախճանվել է Հյուսիսային Ամերիկայի Միսիսիպի գետի հետազոտող ՌենեՌոբեր Կավել յե դե Լա Սալը, որը Լուիզիանան հայտարարել էր Ֆրանսիայի մաս։ 

1769 - ծնվել է քանդակագործ Ֆրանսուա Ժոզեֆ Բոզիոն։ 

1813- ծնվել է շոտլանդացի ճանապարհորդ, Աֆրիկայի ամենանշանավոր հետազոտողներից Դավիթ Լիվինգստոնը: 

1831 -ԱՄՆ-ում տեղի է ունեցել բանկի առաջին կողոպուտը։ Անգլիացի գաղթյալ Էդվարդ Սմիթը Նյու Յորքի City Bank-ից կողոպտել է 245 000 դոլար, որն այն ժամանակների համար հսկայական գումար էր։

 1859- Փարիզում կայացել է ֆրանսիացի երգահան Շառլ Գունոյի «Ֆաուստ» օպերայի պրեմիերան: 

1906 -գնդակահարվել է ռուս հեղափոխական, Սևաստոպոլյան ապստամբության կազմակերպիչներից լեյտենանտ Պյոտր Շմիդտը։ 

1922 -Մոսկվայի Շաբոլովկա փողոցի վրա ավարտվել է երկրում ամենաբարձր՝ Շուխովյան աշտարակի շինարարությունը։ 

1934 -Լենինի դամբարանում կոլտնտեսական Միտրոֆան Նիկիտինը ատրճանակից կրակ է բացել Լենինի դագաղի ուղղությամբ։ 

1946 -Մարտինիկան, Գվադելուպան և Ռեյունյոն հայտարարվել են Ֆրանսիայի մասեր։ 

1953- առաջին անգամ հեռուստատեսությամբ ցուցադրվել է Օսկարի մրցանակաբաշխությունը: 

1955 -Մասադում (Իսրայել) հնէաբանները հայտնաբերել են Իրոդ թագավորի պալատի մնացորդները։ 

1955 - ծնվել է ամերիկացի հանրաճանաչ դերասան Բրյուս Ուիլիսը: 

1958- Ստրասբուրգում բացվել է Եվրախորհրդարանի առաջին նիստը: 

2003 -ԱՄՆ-ի նախագահ Ջորջ Բուշը վերջնագիր է ներկայացրել Սադդամ Հուսեյնին, որով փաստացի հայտարարել է Իրաքի դեմ պատերազմի սկիզբը։ 

2007 -Կեմերովոյի «Ուլյանովսկի» ածխահանքում տեղի ունեցած մեթանի պայթյունի հետևանքով զոհվել է 110 մարդ։ 

2008-վախճանվել է անգլիացի ֆանտաստգրող, գիտնական, ֆուտուրոլոգ և գյուտարար Արթուր Կլարկը։ 

2011- ԱՄՆ-ի, Մեծ Բրիտանիայի, Ֆրանսիայի և մի քանի այլ երկրների կողմից ձեռնարկվել է «Լուսաբացի ոդիսական» ռազմական գործողությունը, որն ուղղված էր միջամտելու Լիբիայի քաղաքացիական պատերազմին: