Խորհուրդներում ուսանողների մանակցության համամասնությունը կրճատվել է․ հանրային քննարկում աղմակահարուց նախագծի շուրջ

 

Ամբողջ օրինագծում կարմիր թելով անցնում է բուհերի և գիտական կազմակերպությունների ինքնավարության, ակադեմիական և հետազոտությունների ազատության ապահովումը, շարժունության նպաստելը: Այս մասին այսօր՝ դեկտեմբերի 4-ին,  «Բարձրագույն կրթության, գիտության մասին» օրինագծի հանրային քննարկման ժամանակ ասաց ԿԳՄՍ նախարարի խորհրդական Սամվել Կարաբեկյանը։

 

«Հատուկ շեշտադրում ենք հայագիտական հետազոտությունների գերակայությունը, ազգային ինքնության,  համամարդկային արժեքները, ինչպես նաև սոցիալական պատասխանատվության խնդիրները, և մեր հիմնական նպատակներից մեկը` եվրոպական բարձրագույն կրթության տարածքին ինտեգրվածության աստիճանի շարունակական ընդլայնումը պահպանելով ազգային կրթական առաջադեմ ավանդույթների և նվաճումների ամբողջ համակազմը»,-ասաց նա:

 

 

Հիմնական նորամածությունները նախագծում, ըստ Կարաբեկյանի, Բարձրագույն կրթության և գիտության համակարգերի ինտեգրումն է կրթությամբ զբաղվող փորձագիտական շրջանակի համար և ակադեմիական հանրության համար։ Նրա խոսքով՝ կարիք ունենք հետազոտահենք կրթության, հետազոտությունը դնելու դասավանդման հիմքում։

 

«Դրա հետ է կապված նաև գիտական աստիճանի շնորհման միաստիճան համակարգի, բարձրագույն կրթության եռաստիճան համակարգի ներմուծումը, քանի որ գիտեք, որ հիմա ասպիրանտուրան հետբուհական կրթություն է համարվում։ Բուհերի ընդունելության կազմակերպման նոր սկզբունքը, որով համակարգը փոխվում է այնպես, որ ուսանողը իր միավորը ստանալով կարողանում է ինքը որոշել տվյալ ոլորտի իր նախընտրած բուհը։ Մեր առաջարկած կառավարման մոդելով որևէ պետական պաշտոնյա չի կարող լինել բուհի կառավարման խորհրդի անդամ»,-ասաց նա։

 

Կարաբեկյանն ասաց, որ խաբկանք կա այն պնդումներում, թե հայոց լեզու, հայոց գրականություն և հայոց պատմություն առարկաները ոչ պարտադիր են դառնում, ապա հավելեց, որ կրթական ծրագրերի բովանդակությունը բուհերն են որոշելու։

 

Նախագիծը չի անդրադառնում ԳԱԱ կարգավիճակին, ԳԱԱ կառուցվածքում 34 գիտահետազոտական կազմակերպություն է գործում, բոլոր այդ հաստատությունները կունենան կառտավարման խորհուրդներ։

 

Քննարկման ժամանակ բարձրացվեց ներառականության հարցը։ Նախարարն առաջարկեց նախարարոթյանն առաջարկ ներկայացնել և համագործակցել ներառականության հարցով նախարարության հետ։

 

Լարիսա Մինասյանը մտահոգություն հայտնեց, որ կառավարման խորհուրդներում ուսանողների մանակցության համամասնությունը կրճատվել է, բացի այդ նա նշեց, որ կառավարման խորհուրդը չունի ռեսուրսներ՝ գումարային և մարդկային, իսկ եթե ապավինեն բուհի ռեսուրսին, մի կոնֆլիկտ է բերում, նախարարության ռեսուրսին մեկ այլ կոնֆլիկտ է։ Մինասյանի խոսքով՝ որակի ապահովման լուրջ խնդիր են իրենք տեսնում։ Նա շահերի բախման հարցը պնդում է՝ լուծված չէ։ Մինասյանը պնդեց, որ մաթեմատիկայի իմացության ցածր մակարդակով համալսարան ընդունվող ուսանողների հետազոտական մակարդակը բարձր չի լինի։

 

Մտահոգություններ հնչեցին աշխատաշուկայի հետ կապված, առաջարկ եղավ կարիերայի կենտրոններն ուժեղացնելու մասով։ Նախարարը համաձայնեց

 

«Քաղաքական դիսկուրս» հարթակի անդամ Վահրամ Սողոմոնյանը հետաքրքրվեց, թե ինչպես պետք է փոխվի կառավարման խորհուրդներում ձևավորված ավանդույթը, որ անկախ նրանից թե ով է նշանակում, խորհրդ անդամները ընկնում են հին ավանդույթների հորձանուտը։ Արայիկ հարությունյանն ի պատասխան կարևորեց կամքի առկայությունը, ապա շեշտեց, որ որոշ բուհերում արդեն իսկ փոխվել է այդ մշակույթը կամքի առկայության շնորհիվ։