ՊԱՏՄՈՒԹՅԱՆ ԱՅՍ ՕՐԸ (30 ՀՈԿՏԵՄԲԵՐԻ)․ Լեռ­նա­յին Ղա­րա­բա­ղի Ազ­գա­յին ժո­ղո­վն ըն­դու­նել է հան­րա­պե­տու­թյան դրո­շի, զի­նան­շա­նի եւ օրհ­ներ­գի մա­սին օրենք­նե­րը

Քաղաքական հետապնդումների զոհերի հիշատակի համաշխարհային օր, Ռուսաստան՝ Ինժեներ-մեխանիկի օր, Սլովակիա՝ Սլովակ ազգի դեկլարացիայի օր:

ՀԱՅ-ՀԱՅԱՍՏԱՆ

1907– ծնվել է արձակագիր, գրականագետ, մանկավարժ, թարգմանիչ Ռաֆայել Աթայանը:

1917 –ծնվել է կրկեսի դերասան Լևոն Հայկազունին:

1918- Մուդրոսում կնքվել է զինադադար Անտանտի և Օսմանյան կայսրության միջև, որով Օսմանյան կայսրությունը ճանաչել է իր պարտությունը և դուրս եկել Առաջին համաշխարհային պատերազմից:

1920- հայ-թուրքական պատերազմի ընթացքում թուրքերը գրավել են Կարսը՝ գերելով մոտ 3 000 զինվորների և զինվորական ու քաղաքացիական բարձրաստիճան անձանց, որից հետո երեք օր անընդմեջ զբաղվել են իրենց հատուկ վայրագություններով, որին զոհ է գնացել մոտ 6000 հայ։

1922– ծնվել է կոմպոզիտոր, ջութակահար, մանկավարժ Ցոլակ Բեքարյանը:

1968- վախճանվել է արձակագիր և դրամատուրգ Անդրանիկ Հովսեփյանը:

1970- վախճանվել է գրականագետ Հովհաննես Մամիկոնյանը:

1991– Արցախյան ազատամարտի ժամանակ հայկական զինված ուժերը Արկադի ՏերԹադևոսյանի հրամանատարությամբ ազատագրել են Հադրութի շրջանի Տող գյուղը:

1993- Հայաստանը դիվանագիտական հարաբերություններ է հաստատել Վենեսուելայի հետ: 

1996- զոհվել է հրամանատար և հետախույզ Կոմիտաս Ավանեսյանը:

 

2007-Հայաստանի նախագահ Ռոբերտ Քոչարյանը Վերահսկիչ պալատի նախագահի պաշտոնում առաջադրել է «Բարգավաճ Հայաստան» կուսակցության քաղաքական խորհրդի անդամ Իշխան Զաքարյանի թեկնածությունը:

2008- Լեռնային Ղարաբաղի Ազգային ժողովը ընդունել է հանրապետության դրոշի, զինանշանի եւ օրհներգի մասին օրենքները: 2017-Բաքու-Թբիլիսի-Կարս երկաթուղին հանձնվել է շահագործման:

ԱՇԽԱՐՀ

1485 - Անգլիայում թագադրվում է Հենրիխ 7-րդը:

1696 -Պետրոս 1-ինի նախաձեռնությամբ Ռուսաստանի բոյարական Դուման որոշում է ընդունել ստեղծել ռազմա-ծովային ուժեր: 

1697 -Ռեյկյավիկում Ֆրանսիայի և Հռոմեական Սրբազան Կայսրության միջև խաղաղության պայմանագիր է կնքվել:

1751 –ծնվել է իռլանդացի դրամատուրգ և բանաստեղծ Ռիչարդ Բրինսլի Շերիդանը: 

1853- սկսվել են պատերազմական գործողություններ Ղրիմի պատերազմի Կովկասյան ռազմաճակատում։

1888 —Ջոն Լաուդը արտոնագիր է ստացել գնդիկավոր գրիչի համար: 

1937 —Հերմես աստերոիդը անցել է երկրագնդից 780 հազար կիլոմետր հեռավորությամբ:

1941-Հայրենական մեծ պատերազմի ժամանակ գերմանացիները սկսել են Սևաստոպոլի առաջին գրոհը: 

1938–ԱՄՆ-ում CBS ռադիոկայանով տեղի է ունեցել Օրսոն Ուելսի «Աշխարհների պատերազմը» ֆանտաստիկ վեպի ռադիոբեմադրությունը, որը մեծ իրարանցում է առաջացրել, քանի որ շատ քաղաքացիների թվացել է, թե պատերազմը տեղի է ունենում իրականում: 

1954 -Բերմուդյան եռանկյունու հյուսիսային մասում անհետացել է R7V-1 с 42 ինքնաթիռը իր 42 ուղևորներով: 

1956- վախճանվել է խորհրդային հայտնի ակնաբույժ Վլադիմիր Ֆիլատովը:

1960 – ծնվել է արգենտինացի աշխարհահռչակ ֆուտբոլիստ Դիեգո Մարադոնան: 

1961 - Խորհրդային Միության Նովայա զեմլյա կղզում իրականացվել է 56 մեգատոննանոց առաջին ջրածնային ռումբի փորձարկումը: 

1967 -տիեզերքում առաջին անգամ իրականացվել է տիեզերանավերի կցում, դրանք «Կոսմոս-186» և «Կոսմոս-188» կայաններն էին, որոնք հանդիսանում են «Սոյուզ» տիեզերանավի նախատիպերը: 

1973– բացվել է Բոսֆորի կամուրջը, որը փաստացի Եվրոպան Ասիային միացնող կամուրջն է (Ստամբուլի ասիական մասը միանում է եվրոպական մասին): 

1975- վախճանվել է գերմանացի ֆիզիկոս, քվանտի էներգիան չափած գիտնական Գուստավ Հերցը:

1990 -Մոսկվայի Լյուբանկա հրապարակում տեղադրվել է Սոլովեցյան քարը ի հիշատակ ՍՍՀՄ-ում քաղաքական հետապնդումների զոհերի: 

1998 - Շվեդիայի Գյոթեբորգ քաղաքում երիտասարդական ակումբում ծագել է հրդեհ, որից զոհվել է 63 անչափահաս:

 2006 -Մոսկվայից Սանկտ Պետերբուրգ է կրկին ուղևորվել վերանորոգված և նորացված ЭР-200Э սովետական մշտական հոսանքի արագընթաց էլեկտրագնացքը, նորացման արդյունքում 235 րոպեով կրճատվել է երթուղու ժամանակը:

Կամո Խաչիկյան