ՊԱՏՄՈՒԹՅԱՆ ԱՅՍ ՕՐԸ (29 ՀՈՒՆԻՍԻ). Սու­պեր­մար­կե­տի փլա­տա­կե­րի տակ է մնա­ցել 502 մարդ, վա­ճառ­քում հայտն­վել է առա­ջին iPhone-ը

ՏՈՆԵՐ ԵՎ ՀԻՇԱՏԱԿԻ ՕՐԵՐ

Ռուսաստան՝ Պարտիզանների և ընդհատակյա աշխատողների օր, Սեյշել յան կղզիներ՝ Անկախության օր, Արցախի Հանրապետություն՝ Հայրենիքի համար զոհվածների օր:

ՀԱՅ-ՀԱՅԱՍՏԱՆ

1825– ծնվել է նշանավոր դրամատուրգ, հասարակական գործիչ Գաբրիել Սունդուկյանը։

1839– վախճանվել է հայ երգահան, երաժշտագետ Համբարձում Լիմոնջյանը:

1974-գրանցվել է աննախադեպ դեպք՝ բրիտանական հիթ-շքերթը գլխավորել է ֆրանսահայ Շառլ Ազնավուրը իր «She» երգով:

1999– վախճանվել է Ամենայն հայոց 131րդ կաթողիկոս Գարեգին Ա-ն:

2002-Հայաստանի զինված ուժերի մեկ ստորաբաժանում առաջին անգամ մասնակցել է ՆԱՏՕ-ի՝ Վրաստանում անցկացված «Լավագույն համատեղ ջանք 2002» զորավարժություններին:

2005-Վրաստանի Մարնեուլի շրջանի Սադախլո գյուղում անհետացել է տեղի մոլլա Հաջի Ֆալանգովը: Գյուղացիները փակել են Վրաստանից Հայաստան մտնող ավտոճանապարհը՝ պահանջելով «վերադարձնել մոլլային»:

2007-«Այլընտրանք» հասարակական կազմակերպության նախաձեռնությամբ Երևանում անցկացվել է բողոքի ակցիա` ի պաշտպանություն «Ազատություն» ռադիոկայանի:

2012-«Հարսնաքար» ռեստորանում հունիսի 17-ին տեղի ունեցած դաժան ծեծկռտուքի հետևանքով ծայրահեղ ծանր վիճակում գտնվող մայոր Վահե Ավետյանը մահացել է։

2018-«Դեմ եմ» շարժումը հայտարարել է, որ շարունակում է պայքարը ընդդեմ պարտադիր կուտակայինի:

ԱՇԽԱՐՀ

1520-վախճանվել է ացտեկների վերջին թագավոր Մոնթեսումա Երկրորդը:

1613-Շեքսպիրի «Հենրիխ VIII» ներկայացման պրեմիերայի ժամանակ հրդեհվել է Գլոբուս թատրոնը:

1880-Հաիթին միացվել է Ֆրանսիային:

1888– Մյունխենում կայացել է Ռիխարդ Վագների «Փերիներ» օպերայի պրեմիերան:

1900– ծնվել է ֆրանսիացի գրող, բանաստեղծ և օդաչու Անտուան դը Սենտ-Էքզյուպերին, որը հայտնի է դարձել «Փոքրիկ իշխանը» պատմվածքով:

1916-կայացել է «Բոինգ» ընկերության առաջին ինքնաթիռի թռիչքը:

1920– Իսպանիայի թագավոր Ալֆոնս XIII-ը Մադրիդի ֆուտբոլային ակումբին շնորհել է «Արքայական» տիտղոսը, որը իսպաներեն հնչում է «Ռեալ»:

1945-ԽՍՍՀ-ը և Չեխոսլովակիան ստորագրել են համաձայնագիր Անդրկարպատյան Ուկրաինան Ուկրաինական ԽՍՀ-ին միացնելու մասին:

1964-ստեղծվել է հեռուստացույցի հեռակառավարման վահանակը:

1976-Սեյշել յան կղզիները հայտարարել են իրենց անկախությունը:

1985-Նյու Յորքում աճուրդով 2,229 միլիոն դոլարով վաճառվել է Ջոն Լենոնի հին «Rolls Royce» ավտոմեքենան:

1995-Սեուլում փլվել է Sampoong սուպերմարկետը, որի փլատակերի տակ է մնացել 502 մարդ:

1996– Լիբիայի մայրաքաղաք Տրիպոլիում Աբու-Սալիմ բերդում տեղի ունեցած ապստամբության ճնշման ժամանակ զոհվել է մոտ 1200 կալանավոր:

2007-ԱՄՆ-ում վաճառքում հայտնվել է առաջին iPhone-ը:

2011– թողարկվել է Դրուփալ կայքի կառավարման համակարգը:

Կամո Խաչիկյան