Օրվա բաղադրատոմսը. Հավի մսով աղցան՝ եգիպտացորենով և սնկով (լուսանկարներ, տեսանյութ)

Բաղադրություն

1.  0,5 բանկա պահածոյացված եգիպտացորեն
2. 
    100 գր. թարմ շամպինյոն
3. 
    1 ոչ մեծ սոխ
4. 
    150 գր. հավի կրծքամիս
5. 
    թարմ կանաչի
6. 
    մի քանի գդալ մայոնեզ

Պատրաստման եղանակը

Հավի փափուկ միսը կտրատում ենք , փոքր ինչ ծեծում, ավելացնում ենք աղ' ըստ ճաշակի: Տապակում ենք բուսական յուղով երկու կողմից մինչև լավ եփվի: Թողնում ենք սառչի:

Շամպինյոնները կտրատում ենք և տապակում բուսական յուղով, ավելացնում ենք մանր կտրատած սոխ: Շամպինյոնների վրա ըստ ճաշակի աղ և սև պղպեղ ենք ավելացնում և կրկին թողնում ենք սառչի:

Պահածոյացված եգիպտացորենն առանձնացնում ենք հեղուկից և ավելացնում տապակելուց հետո սառած սնկի վրա: Հավի միսը ձեռքերով մանրում ենք և ավելացնում սնկի ու եգիպտացորենի վրա:

Կանաչին մանր կտրատում ենք: Ավելացնում ենք այնքան մայոնեզ, որ աղցանի մթերքները հեշտությամբ խառնվեն:

Բարի ախորժակ...