Մթերքներ` լավ քնելու համար

Իհարկե ավելի լավ է քնելուց առաջ ընդհանրապես ոչինչ չուտել, սակայն, եթե շատ եք ցանկանում, ընտրեք ճիշտ մթերքներ, որոնք կօգնեն շուտ քնել և չտանջվել անքնությունից:

Հինգ լավագույն մթերքները` քնելուց առաջ

Բանան. Առաջին հերթին բանանն ամենահագեցնող միրգն է: Չնայած դրա բարձր կալորեականությանը, ավելի լավ է քնելուց առաջ ուտել բանան, այլ ոչ թե սենդվիչ: Երկրորդը, բանանի մեջ կա մագնեզիում և կալիում, որոնք նպաստում են մկանների արագ վերականգմանը: Եվ երրորդ` բանանը կայունացնում է սերոտոնինը և մելանինը` օգնելով ուղեղին թուլանալ:

Վարսակով շիլա. Սովորաբար այն ուտում են առավոտյան, սակայն վարսակը համարվում է քննին նպաստող ուտելիք` շնորհիվ իր մեջ պարունակող միկրոէլեմենտների, որոնք լավ ազդեցություն են թողնում գրգռված նյարդային համակարգի վրա: Եթե շիլայի մեջ ավելացնեք մի քանի կտոր բանան, ազդեցությունն ավելի կուժեղանա:

Խաշած ձու. Եթե գիշերները դուք սովից արթնանում եք, ապա երեկոյան կերեք խաշած ձու: Այն պարունակում է շատ սպիտակուց, որը լավ հագեցնում է, և գիշերը դուք չեք վազի սառնարանի մոտ:

Նուշ. Մագնեզիումի պարունակությունը նուշի մեջ օգնում է ավելի շուտ քնել և հագեցվածության զգացողություն է պարգևում: Բացի այդ, նուշը պարունակում է նաև շատ օգտակար ճարպեր:

Թյունոս. Այս սպիտակուցային ընթրիքը նույնպես կօգնի ձեզ լավ քնել և կազատի ավելորդ կալորիաներից:

 

Բացի ուտելիքներից կան նաև խմիչքներ, որոնք նոյնպես լավ են ազդում քնի վրա․ առաջին հերթին դրանք խոտաբույսային թեյերն են: Եթե դուք տանջվում եք անքննությունից, ամեն երեկո խմեք երիցուկի թեյ: Կօգնի նաև կանաչ թեյը՝ անանուխով:

Կա նաև հինգ մթերք, որոնք շատ վատ են ազդում քնի վրա, դրանք են՝ յուղոտ կաթնամթերքը, տապակած և կծու ուտելիքները, ձմերուկն ու սեխը, ալկոհոլային ըմպելիքները և, իհարկե, կոֆեինը և էներգետիկ ըմպելիքները: