ՀՀ և ՌԴ փորձագիտական կենտրոնները համատեղ գործունեության համաձայնագիր ստորագրեցին

Հայաստանում դատական փորձաքննությունների փորձագիտական որակի բարձրացման, դատափորձագետների մասնագիտական հմտություններն և ունակությունները բարելավելու և համատեղ գործունեությունը կարգավորելու նպատակով ՀՀ արդարադատության նախարարության «Փորձագիտական կենտրոն» ՊՈԱԿ-ի տնօրեն Արամ Գահնապետյանը և Ռուսաստանի Դաշնության արդարադատության նախարարությանը կից «Դատական փորձաքննությունների Ռուսաստանի դաշնային կենտրոնի»-ի տնօրեն Սվետլանա Սմիրնովան հունիսի 15-ին ստորագրել են փոխհամագործակցության համաձայնագիր:

ՀՀարդարադատության նախարար Հովհաննես Մանուկյանը նշեց, որ իրավական համագործակցության ոլորտում Ռուսաստանի Դաշնությունը Հայաստանի համար ամենակարևոր գործընկերն է: «Մենքշատենքկարևորումդատափորձաքննության ոլորտում համագործակցությունը մեր ռուս գործընկերների հետ ոչմիայնտեղեկատվության փոխանակման ևօրենսդրական կարգավորումների վերաբերյալ համապատասխան իրավիճակը գնահատելու առումներով, այլև համատեղ գիտական կամ գործնական բնույթի սեմինարներ, կլոր-սեղաններ անցկացնելու, ինչու չէ՝ նաև առանձին դեպքերում փորձաքննությունների անցկացնելու անհրաժեշտության դեպքում միմյանց աջակցելու տեսանկյունից»,-  լրագրողների հետ զրույցում նկատեց նա և հավելեց, որ այս հուշագրի ստորագրումը իրավական հիմքեր է ստեղծում դատափորձագիտական ոլորտում երկու երկրների միջև հետագա համագործակցության համար, ինչպես նաև նախանշում է երկու ծառայությունների միջև հետագա համագործակցության ուղղությունները:

Համաձայնագրի նպատակն է զարգացնել դատափորձագիտական գործունեության ոլորտը և ապահովել դատական փորձաքննությունների ու փորձագիտական հետազոտությունների կատարման բարձր որակը:

«Այս համաձայնագրի կնքումը շատ կարևոր քայլ է, քանի որ մեր երկրները ավելի են սերտացնելու օրենսդրական ոլորտում կազմակերպչական և իրավաբանական հարցերի փոխօգնության տրամադրման ուղղությամբ»,- ընդգծեց Ռուսաստանի Դաշնության արդարադատության նախարարությանը կից «Դատական փորձաքննությունների Ռուսաստանի դաշնային կենտրոնի»-ի տնօրեն Սվետլանա Սմիրնովան և հավելեց, որ վերը նշված համաձայնագիրը նպաստելու է երկու երկրների դա տափորձաքննությունների մեթոդական, պրոֆեսիոնալ հմտությունների և գիտական մակարդակի բարձրացմանը:

Փորձագիտական որակի բարձրացման նպատակով համատեղ աշխատանքներ են կատարվելու միջլաբորատոր պայմաններում, իսկ աշխատակիցների մասնագիտական ունակությունները բարելավելու համար կազմակերպվելու են նաև սեմինար-դասընթացներ, դասախոսություններ, փորձի փոխանակման և գործնական այլ հանդիպումներ:

Իր հերթին ՀՀարդարադատությաննախարարության «Փորձագիտականկենտրոն» ՊՈԱԿ-իտնօրենԱրամԳահնապետյանը շեշտեց, որ Հայաստանում և մի շարք երկրներում առկա են փորձագիտական բնագավառի համընդհանուր խնդիրներ: «Հայաստանում բացակայում է համապետականմոտեցումըփորձագիտականգործունեությանիրականացման վերաբերյալև առկա է դատափորձաքննություններիմասինօրենքի ընդունման անհրաժեշտությունը, որը կկարգավորի տվյալգործունեությունը իրականացնելու համար պարտադիրլիցենզավորում պահանջելու գործընթացը, դատափորձագետների իրավական և սոցիալակ անպաշտպանվածությունը և մի շարք այլ հարցեր»,- պարզաբանեց նա և հավելեց, որ Հայաստանում դատափորձաքննությունների ոլորտը կանոնակարգված է տարբեր դատավարությունների վերաբերյալ համապատասխան հոդվածներով, ինչը միանշանակ բավարար չէ: «Նմանատիպ խնդիրներ կան նաև այլ երկրներում: Օրինակ` Ռուսաստանում գործում է դատական փորձաքննության մասին օրենք, սակայն բացակայում է ոլորտը կարգավորող համապետական համակարգված օրենք»,- նկատեց Գահնապետյանը:

Հարցին, թե երբ են մեկնարկելու դատափորձաքննության ոլորտը կարգավորող օրինագծի մշակման աշխատանքները, նա ասաց հետևյալը.

«ՀՀ արդարադատությաննախարարությունն արդեն տևական ժամանակ է՝ աշխատանքներ է տանում  համապատասխան օրենքի նախագծի ստեղծման ուղղությամբ. դա բավական մեծծավալիաշխատանքէ, որում, բացիիրավագետներից, ներգրավելու են նաև դատափորձագետներ, որոնք հուշելու են ոլորտին վերաբերող բոլոր այն նրբությունները, որոնք հետագայում զետեղվելու են օրենքի նախագծում»,- ասաց Արամ Գահնապետյանը: