Ինչ փոփոխությունների է ենթարկվում ուղեղը տարիքի հետ

Եթե տարիքի հետ Դուք սկսել եք ավելի դանդաղ ընկալել ինֆորմացիան, կամ ավելի դժվար կերպով որոշումներ կայացնել, ապա մի՛ մտածեք, որ ծերանում եք։ Տարիների հետ ուղեղը փոխում է աշխատելու իր ձևը։ Դա չի նշանակում «ավելի վատ», այլ՝ «այլ կերպ»։ Բացի այդ, ուղեղում կատարվող փոփոխությունները երբեմն դրական ազդեցություն կարող են ունենալ։

 

1․Ռացիոնալ մտածողության միտում

Երիտասարդների մոտ ավելի ակտիվ է ուղեղի կողևի մի կողմը։ Տարիների հետ երկու կողմերն էլ սկսում են հավասարապես աշխատել։ Սա օգնում է տարբեր իրավիճակների ավելի պատշաճ գնահատականներ տալ և միանգամից հասկանալ երևույթների բուն իմաստները։

2․Կենտրոնացման կարողություն

Ժամանակի հետ ուղեղը սկսում է չկարողանալ միանգամից մի քանի առաջադրանք կատարել։ Հետազոտությունը ցույց է տալիս, որ երիտասարդների մոտ խնդիր լուծելուց անմիջապես հետո ուղեղը մթագնում է։ Տարեց մարդկանց մոտ դա ավելի դանդաղ կերպով է կատարվում։ Ուղեղը նախ մի առաջադրանք կարող է կատարել, ապա երկրորդը։ Սակայն այստեղ դրական կողմ էլ կա՝ կենտրոնանալ մեկ գործի վրա և դրան ավելի լավ լուծում տալ։

3․Նվազագույն սխալներ աշխատանքում

Երբ մարդիկ մեծանում են, նրանք ավելի շատ ժամանակ են տրամադրում ինչ-որ բան սովորելուն, սակայն միևնույն ժամանակ ավելի քիչ սխալներ են թույլ տալիս։ Դա ցույց է տվել 50-65 տարեկաններ աշխատողների միջև անցկացված հետազոտությունը։ Սա հաշվի առեք, երբ փորձում եք համակարգչային դժվար ծրագրերի հետ աշխատել։

4․Առավել հանգիստ ընկալում

Տեստոստերոնի մակարդակի նվազումը օգնում է ավելի լավ ղեկավարել ազդակները։ Կանանց մոտ պերիմենոպաուզայի բարդ շրջանից հետո սկսվում է զգացմունքային կայունություն։ Ուղեղում զգացմունքներն ու հիշողությունն իրար կապող հատվածը պակաս զգայուն է դառնում բացասականի նկատմամբ։

5․Ֆինանսական խնդիրների հաջող լուծումներ

Մարդկանց մեծամասնությունը տարիքի հետ ավելի լավ է կարողանում լուծել իր ֆինանսական խնդիրները, քանի որ փորձ է ունենում և կարողանում է սառը դատել իրողությունը։