Life.panorama.am-ը գրում է.
Դերասանուհի Մագդալենա Մնացականյանն այսօր տոնում է 24-ամյակը: Նա այժմ գտնվում է ԱՄՆ-ում, իր խոսքով՝ հենց օվկիանոսի ափին էլ ընկերների հետ միասին նշել է տարեդարձը:
Life.panorama.am-ը փոքրիկ զրույց է ունեցել Մագդալենայի հետ ու տեղեկացել ԱՄՆ մեկնելու պատճառների, երազանքների եւ ապագա անելիքների մասին:
Պարզվում է դերասանուհին Միացյալ նահանգներ է մեկնել Green card-ի օգնությամբ.
«Տարիներ առաջ շատ պատահական Green card ձեռք բերեցի եւ ԱՄՆ մեկնելու հնարավորություն ունեցա: Այստեղ մեկնելու նպատակներիցս գլխավորը ընտանիքիս կողքին լինելն էր և միշտ առաջ քայլելու ցանկությունը. Ի դեպ՝ վայրը կապ չունի, վերջին նպատակս միշտ նունն է»,- նշեց Մագդան ու հավելեց, որ վերջերս թղթաբանական խնդիրներ է ունեցել եւ ստիպված է եղել որոշում կայացնել մնալ ԱՄՆ-ում, թե վերադառնալ, արդյունքում որոշումը կայացրել է՝ ելնելով ներքին ցանկություններից.
«Չեմ կարող ասել՝ մշտական բնակությամբ եմ այստեղ, թե ոչ, բայց հիմա գտնվում եմ այս երկրում եւ փորձում եմ ինձ հարմարեցնել ներկայիս բնակավայրին: Մի քանի տարի է, ինչ փորձում եմ համատեղել Հայաստանում բնակվելս, որտեղ ունեմ սիրելի աշխատավայր` Հ. Խափլանյանի անվան դրամատիկական թատրոնս: Այնտեղ ծանոթացել եմ մասնագիտությանս հետ ու երջանիկ եմ, որ ճանաչել ու առիթ եմ ունեցել աշխատելու իրենց գուրծում նվիրյալների եւ վարպետների հետ: Միացիալ նահանգներ վերջին այցելությունիցս հետո խնդիր ունեցա ու պետք է կողմնորոշվեի, թե որտեղ եմ ուզում այս պահին ապրել: Արդյունքում որոշեցի մնալ ԱՄՆ, քանի որ ընտանիքս այս երկրում է բնակվում»,- պատմեց Մագդալենան:
(3).jpg)
Ի դեպ՝ դերասանուհին ԱՄՆ-ում արդեն իսկ հրավերներ ունի.
«Այստեղ որոշ հրավերներ կան, բայց հիմա կենտրոնացել եմ ուսմանս վրա: Դերասանական արվեստն եմ ուսումնասիրում, որն այստեղ արտահայտվում է ինձ համար դեռեւս օտար լեզվով», - հավելեց նա:
Հարցին, թե Մագդան մտքեր չունի արդյոք մուտք գործել ամերիկյան ֆիլմարտադրության ասպարեզ, պատասխանեց.
«Կարծում եմ՝ դեռ ոչ: Հիմա գտնվում եմ մի վայրում, որը թելադրում է իր կանոններ. որոշակի ադապտացիոն շրջան անցնելուց հետո կփորձեմ մասնագիտական քայլերս ուղղել դեպի տեղական արտադրություն»:
Խոսելով դերասանի մասնագիտության մասին՝ Մագդան նկատեց.
«Մոտավորապես 7 տարի է, ինչ զբաղվում եւ ուսումնասիրում եմ դերասանական արվեստը: Ընտրել եմ այս մասնագիտությունը, որովետև սահմաններ չկան, այստեղ միայն ազատություն ու մեծ սեր եմ տեսնում: Կարծում եմ՝ նշածս նախադրյալները բավական են լիարժեք երջանկություն զգալու համար, ես սիրում եմ ներկայությունս արվեստում եւ արվեստն՝ իմ մեջ»:
Զրույցի վերջում խոսելով 24-ամյա դերասանուհու երազանքներից՝ Մագդան նշեց.
«Երազանքներիս մասին միշտ լռում եմ, իսկ սպասելիքներս հաջորդում եմ նույն լռւթյամբ: Ուղղակի ամբողջ սրտով ցանկանում եմ երկրումս, որտեղ ծնվել ու ձեւավորվել եմ, երբեք պատերազմ չլինի ու մարդիկ խաղաղության եւ սիրո մեջ ապրեն: Այսպիսին եմ ճանաչել երկիրս մանուկ ժամանակ, եւ այսօր երազանքներիցս մեկը հենց դա Է»:
