Գիտնականներ. դեպրեսիայի բուժման նոր միջոց է հայտնաբերվել

ԼԱՅՖ 1 Ապրիլ, 2017 17:13

Դեպրեսիան ընդամենը տխրություն չէ: Այն հիվանդություն է, որը հարկավոր է բուժել:

Դեպրեսիան տրամադրության անկման այն ձևն է, որի ժամանակ տեղի է ունենում խզում հուզական վիճակի և իրականության միջև։ Դեպրեսիայի ժամանակ տրամադրության և ինքնազգացում անկումից բացի, դիտվում են մտածողության դանդաղում, ուշադրության անկայունություն, շարժումների դանդաղում (արգելակում), ինքնագնահատման անկում, հյուծվածություն, հոռետեսություն։ Հիվանդը կորցնում է հետաքրքրությունը, ինքնավստահությունը, խանգարվում է քունը։ Առաջանում է մեղքի և մեղավորության զգացում, ինչը կարող է անգամ ինքնասպանության հանգեցնել:

Փորձերը ցույց են տվել, որ դեպրեսիայի ախտանիշները զգալի թուլանում են ընդհանուր անզգայացման ներարկումից:

Իկանի համալսարանի գիտնականները համեմատել են կետամինի և պլացեբոյի արդյունքները, դեպրեսիա ունեցող 20 մարդկանց շրջանում: Արդյունքում, կետամին ստացած մարդկանց ավելի քան 40%-ը վիճակի բարելավում է նկատել ընդամենը 24 ժամվա ընթացքում: Պլացեբոյի խմբում նմանները 6% էին:

Դա հոյակապ արդյունք է, հաշվի առնելով այն հանգամանքը, որ շատ հակադեպրեսանտներ նույնիսկ շաբաթներ ժամանակ են պահանջում, որպեսզի սկսեն աշխատել: Կետամինն օգնում է ուղեղի բջիջներին նորից ծնվել, իսկ ըստ տեսության, դեպրեսիան առաջանում է ուղեղի բջիջների մահանալուց:

Վոլֆգանգ Կոնցեն հավաստիացնում է, որ դեպրեսիան հարկավոր է բուժել ստամոքսաաղիքային համակարգի վրա ազդելով, քանի որ հենց այն է ուղեղին տարբեր ազդանշաններ ուղարկում:

Այս եզրահանգումը փորձարկում են մկների վրա: Բայց, մյուս տարի հնարավոր կլինի աշխատանքը սկսել մարդկանց հետ:

Անի Գևորգյան