Կիմ Չեն Նամի մարմինը տեղափոխել են ԿԺԴՀ

Քուալա-Լումպուրում մահացած Կիմ Չեն Նամի, Հյուսիսային Կորեայի ղեկավար Կիմ Չեն Ընի եղբոր մարմինը, մարտի 31-ին Պեկինով տարանցմամբ տեղափոխել են ԿԺԴՀ: Այդ մասին, ինչպես տեղեկացնում Է «Արմենպրես»-ը, հայտնել Է ՉԺՀ-ի ԱԳ նախարարության ներկայացուցիչ Լու Կանը: 

«Մալայզիայում վախճանված ԿԺԴՀ-ի քաղաքացու մարմինը եւ նրան ուղեկցող անձինք այսօր Պեկինով տարանցմամբ վերադարձել են ԿԺԴՀ»,- ասել Է Լու Կանը մարտի 31-ին կայացած ճեպազրույցում:

Նա նաեւ նշել Է, որ Չինաստանը, գոյություն ունեցող միջազգային սկզբունքներին համապատասխան, անհրաժեշտ հումանիտար աջակցություն Է ցուցաբերել: 

Ավելի վաղ այն մասին, որ Կիմ Չեն Նամի մարմինը հանձնվելու Է հյուսիսկորեական կողմին, հայտնել Է Մալայզիայի վարչապետ Նաջիբ Ռազաքը: «Դիահերձման ընթացակարգի ավարտման կապակցությամբ եւ ազգականների գրավոր խնդրանքին համապատասխան, մենք մարմինը կուղարկենք Հյուսիսային Կորեա»,-նշել Է Ռազաքը: Նա նաեւ հայտնել Է, որ Փենյանում Մալայզիայի դեսպանության ինն աշխատակիցներ, որոնց թույլ չԷին տալիս երկրից մեկնել Կիմ Չեն Նամի մահվանից հետո ծագած դիվանագիտական տարաձայնությունների պատճառով, այժմ կարող են վերադառնալ հայրենիք:

Որպես պատասխան քայլ, ԿԺԴՀ-ի երկու քաղաքացիների, որոնց կասկածում են Կիմ Չեն Նամի մահվանը մեղսակից լինելու մեջ, թոյւլատրվել Է մեկնել Մալայզիայի մայրաքաղաքից: Մալայզիական ԶԼՄ-ների հաղորդագրությունների համաձայն, մարտի 30-ին նրանք Պեկին են մեկնել «Մալայզիայի ավիաուղիների» չվերթով: Նույն այդ ինքնաթիռով Չինաստան Էր հասցվելու նաեւ Կիմ Չեն Նամի մարմինը՝ հետագայում Փենյանին հանձնելու համար: 

Նաջիբ Ռազաքը նաեւ ընդգծել Է, որ ԿԺԴՀ-ի հետ հարաբերություններում ստեղծած դիվանագիտական ճգնաժամը հաղթահարված Է, ինչի մասին նա գրել Է Twitter միկրոբլոգների ցանցի իր Էջում, հաղորդել Է ՌԻԱ Նովոստին: