«ՀՀԿ–ում գիտեին, որ հրավիրեին էլ, չէի համագործակցելու». «Փաստ»

«Փաստ» օրաթերթը գրում է.

Սարգիս Հովհաննիսյանը (Կադիլակ Սերոժը) կառաջադրվի «Հայկական վերածնունդի» ցուցակով

Շենգավիթ վարչական շրջանի նախկին ղեկավար, նախկին ՀՀԿ–ական Սարգիս Հովհաննիսյանը («Կադիլակ Սերոժ») այս անգամ առաջադրվելու է Արթուր Բաղդասարյանի ղեկավարած «Հայկական վերածնունդի» ռեյտինգային ցուցակով, ինչի մասին արդեն մամուլում հայտարարել է ընդդիմադիր ՀՎԿ–ն: «Փաստի» հետ զրույցում Սարգիս Հովհաննիսյանը հայտարարեց, որ «գաղափարների» համար է ընտրել ՀՎԿ–ն, սակայն ընդդիմադիր դառնալ չի ուզում, ավելին, իրեն ընդդիմություն համարում է միայն ադրբեջանցիներին ու թուրքերին:
Ներկայացնում ենք Սարգիս Հովհաննիսյանի հետ մեր հարցազրույցը:

– Պարոն Հովհաննիսյան, Դուք նախկին ՀՀԿ–ական եք, ինչո՞ւ ընտրեցիք «Հայկական վերածնունդը»:

– Դա մինչև 2011 թվականն էր: Հետո որ գործից դուրս եկա, հրաժարական տվեցի, համ էլ կուսակցությունից դուրս եկա: Եթե առաջադրվեմ, հավանական է, որ «Հայկական վերածնունդից» եմ առաջադրվելու:

– Փաստորեն այս անգամ ՀՀԿ–ն չհրավիրեց Ձեզ իր հետ համագործակցության:

– Իրանք գիտեին, որ հրավիրեին էլ, չէի համագործակցելու: Տարածքային ՀՀԿ–ականներ կան որոշ, որ իրանց հետ չեմ քայլի:

– Խոսքն, օրինակ, ո՞ւմ մասին է, կասե՞ք:

– Դե տենց անհատապես չասեմ, ամեն տեղ էլ կան լավն ու վատը: Անձնապես խնդիրներ կար, իրանց հետ չէի քայլի, էդքան բան:

– Իսկ Արթուր Բաղդասարյանին ու իր թիմին հավանո՞ւմ եք:

– Դե, գաղափարախոսությունները ավելի շատ, ոչ թե թիմը: Ես թիմի հետ էդքան չեմ առնչվել: Նու, հավանում եմ, ոնց չեմ հավանում, իրենց գաղափարախոսությունը հավանում եմ, որ մտել եմ:

– Արթուր Բաղդասարյանի հետ կապված էլ հակասական կարծիքներ կան քաղաքական դաշտում՝ մասնավորապես իր քաղաքական անցյալի հետ կապված:

– Դե, էտի կարող ա անձնական խնդիրներ ունեն կամ եսիմ ինչ: Բայց կա՞ տենց քաղաքական գործիչ, որ հակասական կարծիք չունենան իրա մասին: Կարա՞ք որևէ մեկին ասեք, որ նենց «կրեստալնի» մաքուր կարծիք ունեն բոլորը, ասենք դիմությունն ու ընդդիմությունը: Ասենք` Կարեն Կարապետյանին, որը իմ համար նենց «իդեալնի» քաղաքական գործիչ ա հիմա, բայց իրան էլ են հակասական բաներ ասում, որ Կարեն Կարապետյանը կենցաղի զարգացման համար բացի լավից ոչ մի նենց քայլ չի արել, որ հակասական լինի ժողովրդի համար: Բայց էլի արդեն սկսել են հակասական բաներ խոսալ: Դե, բոլորին էլ կասեն էլի, մեր ազգին բնորոշ բնավորություններից մեկն ա էլի, նախանձից կասեն:

– Պարոն Հովհաննիսյան, Դուք փաստորեն հիմա ընդդիմադիր կուսակցության հետ եք առաջադրվելու, բայց գովում եք վարչապետին: Դուք ընդդիմադիր դիրքերի՞ց եք հանդես գալու խորհրդարանում:

– Ընդդիմադիր հասկացողությունն իմ համար չի, ընդդիմադիր–դիմադիր բոլորն էլ ուզում են երկրի զարգացումը: Ժողովրդի ապրելակերպը լավանա, զարգանա: Ի՞նչ ասել ա` ընդդիմադիր, ընդդիմադիր ես Ադրբեջանին եմ շատ փիս տրամադրված, թուրքերին, բայց ստեղ մենք մեկս մյուսի նկատմամբ ինչ ընդդիմադիր ունենք: Բոլորս էլ լավ բաներ ենք ուզում էլի, ժողովրդի համար, ազգի համար:

– Մի խոսքով, Դուք պատրաստ չեք ընդդիմադիր դառնալ:

– Ես ընդհանրապես ընդդիմադիր հասկացողությունը չեմ էլ ընդունում: Ո՞ւմ ընդդիմադիր, եղբայրը եղբորն ընդդիմադի՞ր, հայը հայի՞ն ընդդիմադիր: Ինչ ասել ա` ընդդիմադիր: Բոլորն էլ նույն բանն են ուզում, ուզում են, որ ժողովրդի համար լավ լինի, գոնե արտահայտվում են տենց:

– Դուք առաջադրվելու եք Շենգավիթն ու Մալաթիան ընդգրկող համայնքում, ինչպե՞ս եք պատկերացնում մրցակցությունը, հատկապես Սամվել Ալեքսանյանի հետ:

– Ամեն մարդ իրա ղսմաթն ունի: Սամվել Ալեքսանյանն իրա «բալեյշիկներն» ունի: Ամեն մարդ իրա անցած ճանապարհով իրա համար հարգանք ա ստեղծել, էդ հարգանքով էլ գնահատականը կստանա: Բարով առաջադրվեն, թող բոլորն էլ առաջադրվեն:

– Դուք մի քանի տարի Ավստրիայում էիք բիզնեսով զբաղվում, կարծում եք` շենգավիթցիները Ձեզ կհիշե՞ն:

 

– Ով կհիշի, էն էլ ձայն կտա, կհիշեն էլի երևի, արել եմ ինչ–որ բաներ, որ պետք ա մնա իրանց հիշողության մեջ: Նոր բարերարություն չենք անելու, արել ենք էլի, հիմա դրա պատասխանն եք ուզում ստանանք:

Շարունակությունը` «Փաստ» օրաթերթի այսօրվա համարում: