Կրեմլը պատասխանել Է «ռուսները կարող են ձյուն ուտել գոյատեւելու համար» արտահայտությանը

ՌԴ-ն վաղուց եւ քանիցս  հայտարարել Է պատժամիջոցների զգալի հակառակ արդյունքի մասին, սակայն, մեկնաբանելով դրանց անհեթեթության վերաբերյալ Դոնալդ Թրամփի խորհրդականի փոխաբերական արտահայտությունը, հարկ Է նշել, որ ռուսները գերադասում են ուտել ոչ թե ձյուն, այլ հայրենական արտադրության համեղ նրբախորտիկներ: Այդ մասին, ինչպես տեղեկացնում Է «Արմենպրես»-ը, լրագրողներին ասել Է ՌԴ նախագահի մամուլի քարտուղար Դմիտրի Պեսկովը: 

Ավելի վաղ զանգվածային լրատվամիջոցներում հաղորդվել Էր, որ ԱՄՆ-ի նորընտիր նախագահ Դոնալդ Թրամփի խորհրդական Էնթոնի Սքարամուչին հայտարարել Է, թե «ռուսներն ունակ են ձյուն ուտել գոյատեւելու համար»՝ դրանով բացատրելով ՌԴ-ի դեմ պատժամիջոցների անհեթեթությունը:     

«Այն որ, պատժամիջոցներն զգալի չափով հակառակ արդյունքն են ունենում, ընդ որում թե՛ այն երկրի համար, որի նկատմամբ պատժամիջոցներ են սահմանվում եւ թե այն երկրի նկատմամբ, որը սահմանում Է պատժամիջոցները, այդ մասին մենք ասել են բազմիցս եւ վաղուց: Ինչ վերաբերում Է նման փոխաբերություններին, ապա, հավանաբար, դրան կարելի Է համաձայնել, թեեւ ես կճշտեի, որ, իհարկե, հավանաբար, այնուամենայնիվ ռուսները գերադասում են ոչ թե ձյուն ուտել, այլ հայրենական արտադրության շատ համեղ նրբախորտիկներ, որոնք ավելի ու ավելի են շատանում պատժամիջոցների շնորհիվ»,- ասել Է Պեսկովը, հաղորդել Է ՌԻԱ Նովոստին: