Ինչ սպասել Հրեղեն աքաղաղի տարուց

Արևելյան հորոսկոպի համաձայն՝   2017 թվականը Կարմիր, կրակե աքաղաղի տարի է: Կրակի տարերքն ու աքաղաղի բուռն խառնվածքը հորոսկոպի բոլոր նշանների համար նախանշում են  շատ անակնկալներ՝   տարվա ընթացքում:

2017 թվականի հունվարի 28-ից Կապիկը մեզ հրաժեշտ կտա՝ իր տեղը զիջելով Կրակե աքաղաղին: Անցումը կտուկ չի լինի, քանի որ Կապիկի ու Աքաղաղի խառնվածքներն իրար մոտ են: Տարվա սկզբին Աքաղաղն իրեն համեմատաբար հանգիստ կպահի, իսկ արդեն գարնանը վեր կբարձրացնի իր վառ կամիր թևիկներն ու իրեն կհռչակի տարվա իսկական տիրակալ: Այդ ժամանակից էլ Աքաղաղը կսկսի հորոսկոպի բոլոր 12 նշաններին մատուցել ամենատարբեր անակնկալներ:

Համարձակ Աքաղաղի տարում խնդիրներին ու պրոբլեմներին հարկավոր է փիլիսոփայորեն մոտենալ: Չծուլացողներին Աքաղաղը կօգնի գործնական  նոր հաջողությունների հասնել: Աշխատասերները նոր ու ձեռնտու առաջարկներ կստանան:  Այս ամենն՝ առանց շտապելու: 2017-ին      բազում անակնկալների միջից   հարկավոր է ընտրել ամենակարևորը: 

Քանի որ Աքաղաղը շատ է սիրում իրեն ցույց տալ, ուստի հորոսկոպի   բոլոր  12 նշաններից   նույնն է սպասելու .  չխնայել  ջանք ու եռանդ ՝ 2017 թվականին ուշադրության կենտրոնում լինելու համար: Պետք է ընդամենը փոխել իմիջը, փորձարկել ամենատարբեր մեթոդներ՝ նոր տարում նոր ու հետաքրքիր արտաքինով ներկայանալու համար:

Աքաղաղը շատ է սիրում փորձարկումներ անել: Ովքեր չենթարկվեն այս կանոնին, ամբողջ տարվա ընթացքում այդպես էլ կմնան ստվերում: Բայց շանսը գործածողներին Աքաղաղն անպայման կօգնի:

Աքաղաղի տարում ամենահաջողակը կլինեն ստեղծագործական աշխատանքով զբաղվողները: Հաջողություններ, մեծ գումար  վաստակելու հնարավորություն, այս ամենը նրանց հեշտությամբ կտրվի: Բայց եթե նույն ստեղծագործողները   ուրույն ոճով հանդես գան և առաջ գնալու սեփական ուղին գտնեն, Աքաղաղը նրանց նկատմամբ կրկնակի առատաձեռն կգտնվի:
 

Աքաղաղի տարում հորոսկոպի բոլոր նշանների  ֆինանսական վիճակը կայուն կլինի: Ֆանտաստիկ հարստություն կուտակելու երազանքը գուցեև չիրականանա, սակայն ֆինանսական կտրուկ անկում ևս չի լինի: Բախտն, իհարկե,  ավելի շատ կժպտա հենց Աքաղաղի տարում ծնվածներին: 

2017 թվականին արձակուրդի հանճարեղ պլաններ մշակել պետք չէ. բոլորը չէ, որ կիրականան: Աքաղաղն ավելի շատ նախընտրում է գյուղական պարզ ու հասարակ հանգիստը:

Զգացմունքային ու բնույթով անկեղծ Աքաղաղի տարում հաջող ու գեղեցիկ անձնական կյանք կկառուցեն նրանք, ովքեր նույնպես անկեղծ են ու հավատարիմ: Ինչ վերաբերում է ընտանիքի անդամների ու հարազատների հետ հարաբերություններին, ապա դրանք միապաղաղ չեն լինի: 2017-ին  ավելի շատ կլինեն ուրախ հավաքույթներն ու ընտանեկան խնջույքները:

Եթե դեռ չունեք ժառանգներ, ապա Աքաղաղի տարուց ավելի   պտղաբեր  տարի չեք գտնի: Այս տարի   ծնված   փոքրիկներին  ամբողջ կյանքի ընթացքում կուղեկցեն գլխապտույտ հաջողությունները: