Կնոջ`մահացած ամուսնու դագաղի ֆոնին արված ժպտերես լուսանկարը պայթեցրել է համացանցը (լուսանկարներ)

ԱՄՆ–ում երիտասարդ մայրը 2 երեխայի հետ, ժպիտը դեմքին լուսանկարվել է մահացած ամուսնու դագաղի ֆոնին և տեղադրել այն Ֆեյսբուք սոցիալական ցանցում։

Այդ նկարը վայրկյանական պայթեցրել է համացանցը։ Բազմաթիվ օգտատերեր սկսել են քննադատական մեկնաբանություններ և նամակներ գրել աղջկան, նրան մեղադրել են սրբապղծության և վատ ծնող լինելու մեջ։ Բայց աղջիկը բավական համոզիչ կերպով մեկնաբանել է իր արարքը։

Ցինցինատի բնակիչ, 26–ամյա Մայքլ Սեթթլսը մահացել էր թմարնյութերի գերչափաբաժնից։ Նա իր թմրամոլի կարիերան սկսել էր ցավազրկող հաբերից, հետո կամաց–կամաց անցել հերոինին։ Մի քանի անգամ ցանկացել էր բուժվել, սակայն ամեն անգամ նորովի էր սկսել օգտագործումը։ Կինը, երեխաների հետ, այդ ողջ նթացքում նրա կողքին է եղել և պակաս դաժան օրեր չի ապրել։ Եվ այդ լուսանկարի ժպիտը ինչ–որ տեղ այդ տառապանքից ազատվելն էր խորհրդանշում։

–Ես գիտեմ, որ իմ արած լուսանկարը դուր չի գա շատերի, իսկ որոշներն էլ կվիրավորեն ինձ, բայց գլխավոր պատճառը, որ դրդեց ինձ այդպիսի լուսանկար անելու, թմարնյութերից կախվածության հետևանքների ցուցադրումն էր։ Եթե դուք առողջ կենսակերպ չընտրեք, ապա ձեզ նույնպես սա է սպասվում։ Մեր փոքրիկ երեխաները չպետք է թաղեն իրենց ծնողներին, առավել ևս, որ նրանց հոր մահը կարելի էր կանխել։ Բայց նա չարեց դա և այդ որոշումը կործանեց մեր ընտանիքը։ Հերոինը սպանում է և դա դաժան ճշմարտություն է։ Դուք կարող եք մտածել, որ դա երբեք ձեզ հետ տեղի չի ունենա։ Բայց Մայքը նույնպես այդպես էր կարծում և այսօր նա չկա… Ես ուրախ եմ, որ նա ազատվեց տառապանքներից` ազատելով նաև մեզ, բայց երբեք ոչ մեկին նման «ուրախություն» չեմ ցանկանա։