Թեստ․ Ի՞նչն է իսկապես կարեւոր ձեզ համար

Քանի որ պատրաստվում ենք թեստ անցկացնել, առաջարկում ենք վերցնել թուղթն ու գրիչը եւ կարդալ հարցերը։ Վերջիններիս պետք է պատասխանել առանց երկար մտածելու, իսկ պատասխանը հարկավոր է անմիջապես գրի առնել։ Գրեք կամ նկարեք այն, ինչ առաջինն է ծագում ձեր մտքում։

 

1. Պատկերացրեք, ինչ-որ մեկի հետ անտառում շրջում եք։ Ո՞վ կարող է ձեզ հետ լինել։

2. Դուք քայլում եք, եւ հանկարծ հեռվում մի կենդանի եք տեսում։ Ի՞նչ կենդանի է դա։

3. Ի՞նչ պատահեց այդ «հանդիպումից» հետո։

4. Շարունակում եք քայլել եւ տեսնում եք ձեր երազանքների տունը։ Ի՞նչ մեծություն ունի այն։

5. Ձեր երազանքների տունը պարսպապա՞տ է։

6. Դուք ներս եք մտնում եւ տեսնում, որ այնտեղ սեղան է բացված։ Ի՞նչ կա սեղանի վրա։

7. Տան ետնամուտքից դուրս գալիս հանկարծ գետնին ընկած բաժակ եք տեսնում։ Ի՞նչ նյութից է այն պատրաստված։

8. Ի՞նչ կանեիք այն տեսնելուց հետո։

9. Տան բակում ջրավազան եք տեսնում։ Ինչպիսի՞ ջրավազան է դա։

10. Ի՞նչ պետք է անեք, որպեսզի ջրավազանը շրջանցեք եւ շարունակեք ճանապարհը։

 

Այժմ ամփոփենք արդյունքները։

 

1. Ձեր կողքին կանգնած մարդն ամենակարեւոր էակն է ձեր կյանքում։

2. Ձեր պատկերացրած կենդանու մեծությունը հուշում է ձեր խնդիրների մասին։ Որքան մեծ է այդ կենդանին, այնքան շատ են ձեր դժվարությունները։

3. Կենդանուն տեսնելուց հետո ձեր ցուցաբերած վարքագիծը հուշում է, թե ինչպես եք լուծում խնդիրները (ագրեսիվ, խաղաղ, խուսափելով եւ այլն)։

4. Տան մեծությունը ձեր սկբունքների եւ նպատակների քանակն է։ Որքան մեծ է ձեր երազանքների տունը, այնքան մեծ են ձեր ակնկալիքներն այս կյանքից։

5. Եթե տունը պարիսպ չունի, ուրեմն դուք ազատ եւ անկեղծ անձնավորություն եք։ Իսկ եթե պարիսպ կա, ուրեմն դուք բարձր եք գնահատում ձեր անձնական կյանքը եւ երբեք չեք միջամտի մեկ ուրիշի կյանքին։

6. Եթե սենյակում մտովի պատկերացրել եք մթերք, ծաղիկ կամ այլ մարդկանց, ուրեմն դուք երջանկության պակաս եք զգում։

7. Բաժակի նյութը հուշում է ձեր եւ ձեր ընտանիքի հարաբերությունների մասին։ Որքան ամուր նյութից է այն պատրաստված, այնքան ավելի կայուն են ձեր ընտանեկան հարաբերությունները։

8. Ձեր արարքը վկայում է ձեր եւ ձեզ համար ամենակարեւոր անձնավորության (հարց 1) միջեւ առկա հարաբերությունների մասին։

9. Ջրավազանի մեծությունը համապատասխանում է ձեր սեռական ցանկությանը։

10. Որքան «թաց» ճանապարհ եք ընտրում ջրվազանն անցնելու համար, այնքան սեքսը կարեւոր է ձեզ համար։

Աղբյուրը` Style.news.am