Կարտոֆիլի ձողիկներ պանրով

Կարտոֆիլի եւ պանրի սիրահարներն աշխարհում բազմաթիվ են: Հենց նրանց էլ Past.am-ն առաջարկում է բաղադրատոմս, որը պատրաստելը դյուրին է:

Բաղադրիչները

5 միջին չափի խաշած կարտոֆիլ;

2 ձու;

100 գր. պաքսիմատ;

100 գր. պինդ պանիր;

2-3 ճաշի գդալ ալյուր;

բուսական յուղ (տապակելու համար);

աղացած սեւ պղպեղ, աղ՝ ըստ ճաշակի:

Պատրաստման եղանակը

1. Կարտոֆիլը կեղեւով եփել, մաքրել, անցկացնել քերիչով կամ մսաղացով աղալ:

2. Ավելացնել ձուն, համեմունքները, աղը եւ լավ խառնել:

3. Ստացված զանգավծին ավելացնել ալյուր եւ խառնել: Կարտոֆիլի ձողիկների հիմքը պատրաստ է:

4. Պանիրը երկարությամբ կտրատել:

5. Խոնավ ձեռքերով կարտոֆիլից ձողիկներ պատրաստել, մեջտեղում պանիր դնել, թաթախել պաքսիմատի մեջ եւ բուսական յուղով 4 կողմից տապակել այնքան, մինչեւ պատվի ոսկեգույն կեղեւով:

6. Կարտոֆիլի ձողիկները մատուցել տաք վիճակում, ձեր նախընտրած սոուսով: