Arts Media-ն նոր որակ կթելադրի մեդիա դաշտում

Հեռուստատեսային խառնաշփոթի ու մրցավազքի մեջ թարմ օդի պես անհրաժեշտ է շունչ, որը որակապես կփոխի և կփրկի հեռուստատեսության աղճատված դեմքը: Այս առումով մեծ փոփոխություն է սպասվում ` Arts Media գովազդային գործակալությունը շուտով պաշտոնապես կհաստատվի Հայաստանում:

2013 թ-ին Լոս Անջելոսում հիմնադրված ընկերությունը, հսկայական հաջողություններ է գրանցել ԱՄՆ-ում: Տնօրինությունը աշխատատեղեր ստեղծելու, միաժամանակ էթիկական նոր մոտեցում մեզ հրամցնելու նպատակով պատրաստ է հայրենիքում մեծ ներդրումներ անել: Այդ առիթով զրուցեցինք Arts Media- ի հիմնադիր-նախագահ Արթուր Փանոսյանի հետ, ով լինելով ազատամարտիկի որդի ԱՄՆ-ից շարունակում է իր հայրենանվեր գործունեությունը:

 

- ԱՄՆ-ում փառահեղ հաջողություններ եք գրանցում` աշխատելով 16 հեռուստաընկերությունների հետ, որո՞նք են ձեր ընկերության հիմնական գործառույթները:

- Նախապես ուսումնասիրում ենք դաշտը, որից հետո հանդիպում գովազդատուի հետ, այնուհետև ծանոթացում աշխատանքային պայմանների հետ, որից հետո գովազդի նկարահանում: Ընտրում ենք նաև թիրախային հեռուստաընկերություններ ու հեռուստանախագծերը: Բարեբախտաբար տարիների ընթացքում միայն շնորհակալություններ և վստահության քվեներ ենք հավաքել: Ունենք հավատարիմ հաճախորդներ, որոնց գովազդի համար նախատեսված բյուջեն մենք ենք տնօրինում:

- Կա՞ն սկզբունքներ, որոնք մշտապես պահպանվում են ձեր կողմից:

- Այո, կան սկզբունքներ, որոնք մշտապես պահպանվում են մեր կողմից: Պարտադիր է, որպեսզի գովազդի որակը բարձր լինի և տեխնիկական և սցենարային հարցերում: Լինում են պատվիրատուներ, որոնք բերում են արդեն նկարված գովազդ, եթե որակը մեզ չի գոհացնում, սակայն մարդը ցանկանում է գումար խնայել, մենք մեր սկզբունքը պահելու համար ինքներս ենք նկարահանում անվճար: Անչափ կարևոր է, որ հաճախորդը լինի շահեկան դիրքում, արդյունքում ունենում ենք շարունակական համագործակցություն:

- Ովքե՞ր են ձեր հաճախորդները, պոտենցիալ գովազդի պատվիրատուները:

- Ամենատարբեր մարդիկ, ամենաբազմազան գործունեություն ծավալող ընկերություններ և անհատներ: ԱՄն- ում չենք նկարահանում միայն սիգարետի գովազդ: Երգիչների մենահամերգներ, աղմուկ հանած մշակութային իրադարձություններ, նկատել ենք, որ նման բոլոր միջոցառումներին Arts Media -ն գլխավոր հովանավոր է: Այդպես է, մենք բուռն արձագանքում ենք մշակութային կյանքին, առավելապես, եթե խոսքը հայ արվեստագետների մասին է: Արմենչիկ, Հարութ Բալյան, Թաթա, Ռազմիկ Ամյան և էլի շատ ուրիշներ, միշտ պատրաստ ենք աշխատել մեր հայրենակիցների հետ: Այս օրերին մի նախագծի շրջանակներում համագործակցում Us Armenia -ի հետ ներկայացնելով Us Armenia Talant շոուն:

- Դուք բարեգործություններով եք հանդես գալիս նաև հայրենիքում ու ի տարբերություն շատերի ցուցադրական չեք: Որքանով տեղյակ ենք վերջինը Գավառի մանկատան հետ էր կապված:

- Հոգուս պարտքն եմ համարում աջակցել կարիքավոր մարդկանց: Չէի ցանկանա խոսել այդ մասին:

 

- Բազմաթիվ մրցանակներ, շնորհակալագրեր ունեք Գլենդելի քաղաքապետի կողմից, խնդրում եմ ներկայացրեք:

- Գլենդելի կենտրոնական փողոցներից մեկում կա մեր ընկերությունը խորհրդանշող լոգոն, ինչպես նաև շնորհակալագրերի կողքին ունենք քաղաքի լավագույն մարկետինգ ընկերություն խորհրդանշող պատվոգրեր: Ի վերջո Երևանում ձեր ներկայությունը կլրացնի այն բացը, որ կա ոլորտում, ինչպես նաև մեծ աշխատանք է սպասվում ձեզ:

- Սիրով նախաձեռնել ենք այդ գործը, պատրաստ ենք խոչընդոտներ հաղթահարելու և մեր ժողովրդի կողքին լինելու: Նշանաբան ունենք ` քիչ խոսել, շատ գործել: Պետք է այն կիրառել ու արդյունքներ ունենալ:

Պատրաստեց` Past.am-ը: