Կոլումբիայի իշխանությունները եւ FARC-ը հաշտության նոր պայմանագիր կստորագրեն նոյեմբերի 24-ին

 Կոլումբիայի իշխանությունների եւ Կոլումբիայի հեղափոխական զինված ուժեր (FARC) ապստամբական խմբավորման միջեւ հաշտության նոր պայմանագրի ստորագրումը տեղի կունենա նոյեմբերի 24-ին լատինամերիկյան հանրապետության մայրաքաղաք Բոբոտայում, տեղեկացնում Է «Արմենպրես»-ը՝ հղում անելով «Ֆրանսպրե ս» գործակալությանը:

«Կառավարական պատվիրակությունը եւ FARC-ը համաձայնել են պայմանագիրն ստորագրել նոյեմբերի 24-ին Բոգոտայի Կոլումբոսի թատրոնում»,-գործակալությունը մեջբերել Է կողմերի համատեղ հայտարարությունը, որի համաձայն՝ նոր պայմանագիրը համաժողովրդական հավանություն չի պահանջի հանրաքվեով, ինչպես որ դա եղավ անցած անգամ: Այն վավերացվելու Է երկրի խորհրդարանում:

Սեպտեմբերի 26-ին Կոլումբիայի կառավարությունը եւ FARC-ը Կարտախենայում (Կոլումբիա) համաձայնագիր են ստորագրել կեսդարյա զինված հակամարտությունը դադարեցնելու եւ կայուն ու ամուր խաղաղություն հաստատելու մասին: Այն դարձավ գրեթե չորս տարի տեւած բանակցությունների արդյունքը, որոնք ընթանում Էին Հավանայում: Սակայն հոկտեմբերի 2-ին Կոլումբիայում հաշտության պայմանագրի շուրջ կայացած հանրաքվեում ձայների նվազագույն առավելությամբ հաղթանակ տարան այդ փաստաթղթի հակառակորդները: Հավաքելով փաստաթղթի տեքստում փոփոխություններ կատարելու վերաբերյալ ընդդի մության բոլոր առաջարկները՝ կառավարական պատվիրակությունը՝ Ումբերտո դե լա Կալիեի ղեկավարությամբ, ուղեւորվեց Հավանա, որտեղ նոյեմբերի 13-ին նոր պայմանագիր ստորագրվեց FARC-ի հետ, հաղորդել Է ՏԱՍՍ-ը: