Սննդամթերքներ, որոնք օգնում են մաշկն առողջ պահել

Ձմեռը տարվա այն եղանակներից է, երբ մաշկն ամենաշատը խնամքի կարիք ունի: Պարզվում է, որ բազմաթիվ կոսմետիկ միջոցներից, լոսյոններից բացի, մաշկը կարող է առողջ և լավ վիճակում մնալ՝ կախված այն բանից, թե ինչ սննդամթերք եք ընդունում: Համապատասխան սննդամթերքի օգտագործման արդյունքում, առաց կոսմետիկ միջոցների, կարող եք ունենալ պայծառ, մաքուր և հարթ մաշկ:

Past.am-ը ներկայացնում է մաշկային հինգ խնդրի դեմ սննդամթերքի միջոցով պայքարելու եղանակներ: Այս պարզ, բայց արդյունավետ եղանակները կօգնեն սննդի միջոցով մաշկը առողջ, փայլուն և հարթ դարձնել:

Բարակ գծեր

 

Բուսական յուղերը կարող են օգնել նվազեցնել բարակ գծերի առաջացումը: Դրանց դեմ պայքարում է նաև կտավատը: Կտավատի սերմերը հարուստ են օմեգա-3 թթուներով, որոնք կարևոր դեր են խաղում կնճիռների և տարիքային գծերի կանխման գործում։ Որոշ ուսումնասիրություններ նաև ցույց են տալիս, որ կտավատի սերմերի ամենօրյա օգտագործումն օգնում է նվազեցնել մաշկի կարմրությունն ու գրգռվածությունը` հաղորդելով մաշկին թարմ տեսք։ Կտավատի սերմերը կարելի է ավելացնել նաև թխվածքի և շիլաների մեջ:

Շուտ յուղոտվող

T տարածք (T տարածքը ներառում է քթի և ճակատի շրջանը) Եթե Ձեզ մոտ այս խնդիրն առկա է , ապա, նախ և առաջ, սննդակարգում պետք է նվազեցնել շաքարի պարունակությունը: Այս խնդրի համար կոսմետոլոգները լավագույն լուծումը համարում են սննդակարգում ծնեբեկի, նեխուրի, թարմ գրեյպֆրուտի, անտառային հատապտուղների, կիտրոնի, լայմի ներառումը:

Աչքերի տակ առաջացած շրջանակներ

Այս խնդրի դեմ պայքարում է կալիումով եւ մագնեզիումով հարուստ սնունդը, մասնավորապես՝ կանաչեղենը, կաղամբը, ցիտրուսային մրգերը եւ պապայան:

Մաշկի այտուցվածություն

Մաշկը հաճախ կարող է այտուցված լինել: Մաշկային այս խնդրի համար մասնագետները խորհուրդ են տալիս օգտագործել սամիթ, նեխուր: Լավագույն արդյունք է տալիս նաև ձկնեղենը:

Կոպիտ, շերտավորված մաշկ

Ինչպես մաշկի այտուցվածության, այնպես էլ կոպիտ և շերտավորված մաշկի դեպքում մասնագետները խորհուրդ են տալիս օգտագործել յուղոտ ձուկ (ծովատառեխ, սկումբրիա, սարդինա, սաղմոն), որը հարուստ է Omega-3 ճարպաթթվով: