Լազանիա. բաղադրատոմս

Life.tert.am-ը գրում է.

Լազանիան իտալական խոհանոցի ուտեստ է, որը բավականին համեղ ու հագեցնող է: Լազանիա պատրաստելու համար ձեզ շերտեր են անհրաժեշտ, որոնք կարող եք գտնել ցանկացած մթերային խանութում: Դրանք սովորաբար մակարոնեղենի բաժնում են լինում: Եթե վերջում պատրաստի լազանիա ունենաք, կարող եք այս սառեցնել և հետո օգտագործել: Նշված մթերքից կստացվի 10-12 բաժին:

 Լազանիայի շերտեր- 200-250գր

Մսի ֆարշ- 1կգ

Լոլիկ- 500գր

Սոխ- 200գր

Գազար- 150գր

Սխտոր- 3-4 հատ

Կաթ- 1լ

Կարագ- 100գր

Ալյուր- 100գր

Կոշտ պանիր- 100գր

Պարմեզան պանիր- 50գր

Աղ

Բիբար

Ձիթապտղի յուղ

  Սոխը մանրացնել

 

 Սխտորը մանրացնել

 

 Գազարը միջին քերիչով քերել

 

 Լոլիկը կեղևազրկել և բլենդերով հարել

 

 Սոխն ու սխտորը ձիթապտղյի յուղով տապակել

 

 Ավելացնել գազարը

 

 Ավելացնել մսի ֆարշն, աղն ու բիբարը, տապակել 20-25 րոպե

 

 Ավելացնել լոլիկն ու ևս 5 րոպե եփել

 

 Պատրաստում ենք «Բեշամել» սոուս. Կարագը հալեցնել

 

 Երբ կարագը հալվի՝ ավելացնել ալյուրն ու մի փոքր տապակել

 

 Այնուհետև դանդաղ ավելացնել կաթը, խառնել ու եռացնել: Սուսը պետք է ջրիկ թթվասերի տեսք ունենա: Կարևոր է, որ գնդիկներ չառաջանան: Սոուսի մեջ աղ ավելացնել և մի փոքր սխտորի փոշի:

 

Պանիրը քերել միջին քերիչով

 

 

Պարմեզանը քերել մանր քերիչով

 

 

Տարայի մեջ դնել շերտերը. ուշադիր կարդացեք տուփի վրա գրված պատրաստման ձևը: Որոշ շերտեր՝ օգտագործելուց առաջ պետք է եփել, չնայած կարող եք նաև չեփել, քանի որ դրանք կփափկեն սոուսի շնորհիվ

 

 

Ավելացնել մսային սոուսի կեսը

 

 

Ավելացնել Բեշամելի 1/3-ը

 

 

Ավելացնել քերած պանիրը

 

 

Կրկին շերտեր դնել

 

 

Ավելացնել մնացած մսային սոուսը

 

 

 

Ավելացնել Բեշամել սոուսը

 

 

Կրկին պանիր ավելացնել

 

 

Դնել վերջին շերտերը

 

 

Բեշամել սոուս ավելացնել, 180 աստիճան տաքացած վառարանում տապակել 40-45 րոպե

 

 

Պատրաստի Լազանիան հանել, ավելացնել Պարմեզան պանիր ու տապակել ևս 5-10 րոպե

 

 

Բարի ախորժակ