Մարմնամարզություն գրասենյակային աշխատողների համար

Սպորտն անհրաժեշտ է բոլորին: Բայց ինչպե՞ս ժամանակ գտնել մարզվելու համար, եթե աշխատավայրում չափազանց զբաղված եք: Փորձեք թեթև մարմնամարզություն անել հենց աշխատելիս: Past.am-ը առաջարկում է ֆիզիկական ակտիվության երկու տարբերակ, որոնք կօգնեն ծախսել կալորիաները հենց աշխատավայրում:

Տարբերակ 1

Աշխատում ենք ակտիվ

• Նույնիսկ նստած աշխատելիս հնարավոր է ավելի շատ շարժվելու միջոց գտնել: Առաջարկում ենք դրանցից մի քանիսը:
• Աշխատասեղանից փաստաթղթերն ու այլ իրերը հաճախ պահեք պահարանում, որը հեռու է ձեզնից:
• 
• Ձեր աշխատասենյակից մյուս աշխատասենյակ զանգելու փոխարեն գնացեք այնտեղ:
• Եթե գործընկերներից մեկի ծննդյան օրն է, նրա հետ գնումների գնացեք և օգնեք սեղանը հարդարել:
• Աշխատասենյակում ծաղիկները ջրելու պարտականությունը ձեզ վրա վերցրեք:

Տարբերակ 2

Առանց սեղանից հեռանալու

Աշխատասեղանի մոտ նստած կարելի է մի քանի վարժություն կատարել: Դրանք և՛ կալորիաներն են այրում, և՛ լավացնում են արյան շրջանառությունը, նյութափոխանակությունը, մկանների վիճակը: Փորձեք մի քանի պարզ վարժություն:

• Միմյանց միացրեք ոտքերը, հատկապես ծնկները: Ոտքերն ուժեղ սեղմեք հատակին՝ զգալով ոտքերի լարվածությունը: Մարզում ենք ոտքերի մկանները: 
• Միացրեք ծնկները, ոտքերը խաչաձևեք, ծնկներն այնքան էլ միմյանցից չհեռացնելով՝ ազդրերը տարբեր կողմեր ձգեք: Մարզում ենք նստամկանները:
• Ձեռքերը ծալեք, արմունկները կողքերին դրած, ձեռքի ափերը դրեք համակարգչի ստեղնաշարին կամ սեղանին և արմունկներով ուժեղ սեղմեք: Մարզում ենք մեջքի և կրծքավանդակի մկանները:
• Ոտքերով ամուր հենվեք հատակին, լարեք որովայնի և նստատեղի մկանները:

Այս վարժությունները կատարելիս մի՛ մոռացեք պահպանել այս մի քանի կանոնը:

• Յուրաքանչյուր վարժությունը մի քանի անգամ կատարեք և լարված վիճակը պահեք 10-30 վայրկյան:
• Մի՛ մոռացեք, որ աջ և ձախ կողմերը պետք է հավասարապես լարվեն:
• Մի՛ պահեք շնչառությունը:
• Այս ամենի հետ մեկտեղ մի՛ մոռացեք ուղիղ նստելու մասին, իրանը պետք է ուղիղ պահել: