Օգտագործեք վիտամին E-ով կրեմ և արդյունքը կզարմացնի

 Life.panorama.am-ը գրում է.

Վիտամին E-ն մաշկի խնամքի համար կարևոր վիտամիններից է, քանի որ այն ոչ միայն բուժում է սպիները, այլ նաև սնուցում ու փափկեցնում մաշկը։

Այն կարող է նաև անցկացնել արմունկների չորությունն ու արևայրուքը։ Վիտամին E-ն նախընտրելու համար այլ շատ ու շատ պատճառներ, որոնցից ներկայացնում են մի քանիսը՝

Վիտամին E-ն հակաօքսիդանտ է, որը պայքարում է ազատ ռադիկալների դեմ, որոնք վնասում ու սպանում են մաշկի բջիջները։

Օգնում է վերականգնել արդեն իսկ վնասված բջիջները, որի արդյունքում մաշկը դառնում է առավել երիտասարդ, խամրում են տարիքային մուգ ետերն ու բծերը, սպիները, վերականգնվում է կոլագենի արտադրությունը։

Վիտամին E-ի յուղը կամ պարկուճները կարելի է գնել դեղատներից, սակայն պետք է ուշադրություն դարձնել, որպեսզի այն լինի բնական, այլ ոչ սինթետիկ։

Պարբերաբար վիտամին E-ի օգտագործումը կանխում է կնճիռների, բծերի  առաջացումը։

Վիտամին E-ն կարող է նաև հրաշքներ գործել աչքերի շուրջ մաշկի խնամքի համար։ Սկսեք օգտագործել այսօրվանից և շատժամանակ չի պահանջվի տարբերությունը տեսնելու համար։

Ինչպես օգտագործել վիտամին E-ն, որպես աչքերի կրեմ․

1. Լվանալ աչքերի հատվածը՝ մաքրելով ողջ դիմահարդարումը։ Լվանալ նաև ձեռքերը։

2. Ձեռքի ափի մեջ լցնել  վիտամին E-ն և մատներով քսել աչքերի շուրջը՝ աչքերի տակ ու կոպերին։

3. Նախընտրելի է այս պրոցեդուրան կատարել քնելուց առաջ, որպեսզի վիտամին E-ն ամբողջությամբ ներծծվի։

Ահա, պարզ, անվնաս, ամբողջությամբ բնական աչքերի կրեմ է, որը զերծ է քիմիական նյութերից, ալկոհոլից ու վնասակար պարաբեններից, ու հանդես կգա որպես խոնավեցնող, բուժող ու վերականգնող միջոց։