Ինչպես պատրաստել շատ համեղ մեղրով տորթ

Entertrain.1in.am-ը գրում է.

Բաղադրությունը

• Մեղրով բիսկվիթի համար ( 20 սմ տրամագծով տապակի համար)
• 3 մեծ ձու սենյակային ջերմաստիճանի
• 100 գրամ շաքարավազ
• 100 գրամ մեղր
• 1 թեյի գդալ սոդա
• 150 գրամ ալյուր

Օշարակի համար

• 1 թեյի գդալ մեղրը հալեցնել
• 100 մլ տաք ջրի մեջ ,թողնել սառի

Կրեմի համար

• 300 մլ սառեցված սերուցք 33-35% յուղայնությամբ հարել
• 300 գրամ եփացրած խտացրած կաթի հետ մինչև թանձրանա

Պատրաստման եղանակը

Ձուն շաքարավազի հետ հարել , մինչև սպիտակ զանգված ստանաք:

Քանի դեռ ձուն հարվում է, զբաղվենք մեղրով:

Մեղրը,սոդայի հետ լցնել կաթսայի մեջ, անընդհատ խառնել (2-3 րոպե) թույլ կրակի վրա հասցնել մեղրի և սոդայի խառնուրդը գեղեցիկ սաթի գույնի:

Վերցնել կաթսան կրակի վրայից (այդ ընթացքում ձուն և շաքարավազը արդեն լավ հարվել են) և խառնելով ավելացնել մեկ-մեկ գդալով տաք մեղրը ձվին, անընդհատ խառնելով ,որպեսզի ձուն ձվաձեղ չլինի:

Այլուրը մաղի օգնությամբ և ավելացնել ձվի և մեղրի խառնուրդին:

Զգույշ և արագ շարժումներով, որպեսզի չվերանա ձվի օդային վիճակը, լավ խառնել խմորը միքսերի վենչիկով ամեն անգամ այլուր ավելացնելուց հետո:

Ստացվում է թեթև,օդային խմոր:

Խմորը անմիջապես լցնել ,նախապես կարագ քսած տապակի մեջ:

Տապակը խմորով դնել նախապես 160 աստիճանով տաքացրած ջեռոցը և թխել 40 րոպե,մինչև պատրաստ լինելը (ստուգել լուցկու կամ ատամի մաքրիչի միջոցով):

Ստացված բիսկվիթը բաժանել 2 կամ 3 մասի:

Յուրաքանչյուր շերտի վրա լցնել օշարակ և կրեմ քսել: Վրան լցնել փշրանքներկամ ձևավորել ըստ ցանկության:

Կարող եք տորթը տեղափոխել սառնարան որ սառչի, կարող եք նաև անմիջապես փորձել, երկու տարբերակով էլ շատ համեղ է ստացվում: