Երբեք օգտագործելուց առաջ մի լվացեք թռչնամիսը. ԱՄՆ գիտնականներ

Blognews.am-ը գրում է.

Գաղտնիք չէ, որ պատրաստելուց առաջ մարդկանց 90%-ը լվանում  թռչնամիսը: Հում թռչնամիսը վտանգավոր մանրէներ է պարունակում, մասնավորապես՝ կամպիլոբակտերիաներ և սալմանելլա՝ սննդային թունավորման երկու հիմնական մեղավորները: Այդ պատճառով էլ պատրաստումից առաջ թռչնամիսը լվանալը լրիվ տրամաբանական է :

Սակայն պարզվում է, որ դա ոչ մի դեպքում պետք չէ անել: Ահա թե ինչու. Թռչնամսի լվացումը նպաստում է վնասակար մանրէների տարածմանը ողջ մսի մակերեսի, ինչպես նաև լվացարանի ու սեղանի վրա: Դրեկսլեի համալսարանի դասախոս Ջենիֆեր Կվինլանը մասնակցել է մի փորձարկման, որը պատվիրել էր ԱՄՆ գյուղատնտեսության նախարարությունը: Կվինլանն ասում է, որ  մարդկանց 90%-ը լվանում է թռչնամիսը հենց այն ցուցումով, որը գրված է մթերքի տուփի վրա՝  «պատրաստելուց առաջ լվա և չորացրու միսը»:

Կվինլանը, սակայն, պարզաբանում է.«Դա չի ազատում մանրէներից և չի ոչնչացնում դրանք: Այնինչ՝ վտանգ է ստեղծվում մանրէների տարածման համար. սա կոչվում է աերոլիզացիա»: Եվ ահա վերջերս ԱՄՆ Գյուղնախարարությունը քարոզարշավ է սկսել «սննդի անվտանգությունը ընտանիքում» խորագրով, որի հիմնական կետերն են.

–Պահպանեք մաքրություն, հնարավորինս հաճախ լվացեք ձեր ձեռքերն ու սեղանի մակերեսը:
–Թռչնամիսն առանձին պահեք, բացառեք այլ մթերքների հետ նրա անմիջական շփումը:
– Պատրաստեք մանրակրկտորեն: Արդեն պատրաստի վիճակում թռչնամսի ներքին ջերմաստիճանն այդ պահին պիտի լինի 74 °C :
– Օգտագործելուց առաջ թռչնամիսը սառեցրեք: Դրեք այն սառցախցիկի մեջ և այդպիսով վերացրեք մսի վրա եղած մանրէների մեծ մասը:

Կվինլանի խոսքերով՝ հում թռչնամսի լվացումը իսկապես ոչ մի օգուտ չի բերում ձեր առողջությանը, այլ միանգամայն հակառակը: «Որոշները կարծում են, թե լվանում են մանրէները, մյուսները լորձն են ուզում հեռացնեն, կամ էլ կարծում են, որ միսը կեղտոտ է, իսկ մի մասն էլ դա անում է մեխանիկորեն, պարզապես կարծելով, որ եթե հում է, ապա լվանալ է պետք»:

Իսկ ի՞նչ է պետք անել: Պատասխանը կարճ է՝ վերցրու միսն ու  միանգամից պատրաստիր այն: Բարձր ջերմաստիճանը վերացնում է մանրէները և ապահովում է  սննդի լիարժեք անվտանգությունը: