Ադրբեջանի 7, իսկ Թուրքիայի 13,441 քաղաքացի որպես զբոսաշրջիկ այցելել է Հայաստան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

2025 թվականի հունվար-դեկտեմբեր ամիսներին Հայաստան է ժամանել 2 միլիոն 263 հազար 642 զբոսաշրջիկ, 2024 թվականի նույն ժամանակահատվածի 2 միլիոն 208 հազար 179-ի փոխարեն։ Այս մասին «Փաստինֆո»-ն տեղեկանում է ՀՀ վիճակագրական կոմիտեից։

Նույն աղբյուրի համաձայն՝  2025-ի նշված ժամանակահատվածում Հայաստան է ժամանել ադրբեջանցի 7  և  13.441 թուրք  զբոսաշրջիկ։ Հիշեցնենք՝ գրել էինք, որ ՀՀ սահմանային անցման կետերով 2025-ին Թուրքիայից եկել էր 14.000 մարդ։

Խոսելով մյուս երկրների մասին հարկ է նշել, որ ԱՄՆ-ից 60.891 զբոսաշրջիկ իրենց համար զբոսաշրջային ուղղություն են ընտրել Հայաստանը նշված ժամանակահատվածում։ Հայաստանով են հետաքրքրված եղել նաև Բելառուսի 16.735 զբոսաշրջիկներ, Բելգիայի՝ 10.785, Գերմանիայի՝ 34.136, Իտալիայի՝ 22.669 զբոսաշրջիկներ և այլն։

Հետաքրքրական է, որ Հայաստանը գրավիչ ուղղություն է եղել ԻԻՀ-ից 182.364 և ՌԴ-ից 921.704 զբոսաշրջիկների համար։ Վրաստանից ևս զբոսաշրջիկների այցը Հայաստան շատ է եղել։ Վրաստանից Հայաստան է եղել 288.578 զբոսաշրջիկ։

Հավելենք նաև, որ անհայտ երկրներից էլ ՀՀ է եկել 356 զբոսաշրջիկ։

Նշենք, որ ըստ ՄԱԿ-ի զբոսաշրջության համաշխարհային կազմակերպության մեթոդաբանության՝ միջազգային զբոսաշրջիկ է համարվում ցանկացած անձ, որը հանգստանալու, բուժվելու, հարազատներին այցելելու, գործնական, կրոնական կամ այլ նպատակներով ճանապարհորդում է իր հիմնական բնակության վայրից մեկ այլ վայր ոչ պակաս քան 24 ժամ և ոչ ավել քան անընդմեջ 1 տարի ժամանակով: Այսինքն` նրա հիմնական նպատակը ճանապարհորդելն է, այլ ոչ թե աշխատանքային գործունեությամբ զբաղվելը, որի դեպքում ուղևորության համար վճարումները կկատարվեին ժամանած վայրում աշխատանքային գործունեությունից ստացված ֆինանսական միջոցների հաշվին:

Հետևեք մեզ՝ այստեղ