Բացասականը՝ ձեր հաջողության ճանապարհին

ЛАЙФ 1 Октябрь, 2016 23:50

Ինչպես է բացասականը արգելափակում էներգետիկան

Մարդու աուրան ինչ-որ փխրուն եւ զգայական բան է: Դա էներգետիկ դաշտ է, որը շրջապատում է մեզնից յուրաքանչյուրին: Մեկի էներգետիկ դաշտն ուժեղ է, մյուսին՝ թույլ, բայց առկա է բոլորի մոտ, ուստի առկա է նաեւ այն լավացնելու հնարավորությունը: Կամ հակառակը՝ Տիեզերքի հետ կապի քո բոլոր ուղիները փակելու: Երբ մարդը ծնվում է, ապա նա մաքրամաքուր է, մաքուր է նաեւ նրա աուրան, բայց ժամանակի ընթացքում նրա վրա բազմաթիվ արտաքին գործոններ են ազդում:

Դրանց թվին կարելի է դասել տունը, ծնողներին, շրջապատը, գործընկերներին եւ այլն: Ավելի հասունանալով՝ մարդը ոչ միայն ինքն է իր էներգետիկան ձեւավորում, այլեւ ստանում է այն, ինչ իրեն մերձավորներն են տվել:

Մենք աշխարհն ուսումնասիրում ենք փոքր քայլերով եւ հարմարվում ենք նրան: Ծնողները երեխային կարող են փոխանցել ինչպես դրականը, այնպես էլ բացասականը: Երբ մարդն իր, աշխարհի եւ մարդկանց մասին դրական մտքերով է մեծանում, նրա էներգետիկան դրական է եւ հաջողություն է գրավում:

Սակայն եթե ծնողներն իրենց որդուն կամ դստերը ներշնչել են, որ աշխարհը սեւ խոռոչ է, որ նա անդունդն է գլորվում, որ ոչ մեկին չպետք է հավատալ, որ սերն անհրաժեշտություն չէ, իսկ ատելությունը նորմալ է, ապա երեխայի գլխում միայն բացասական մտքեր են դեգերում: Ժամանակի ընթացքում նրանք ծրագրեր են մշակում: Դրանք, այսպես կոչված, կողմնորոշումներ են, մշտական մտքեր, որոնք մարդուն երբեք չեն լքում:

Ծրագրերը մեզ համար ճշմարտություն են օրվա 24 ժամերի եւ շաբաթվա 7 օրվա ընթացքում: Այդ դեպքում խախտվում էՏիեզերքի առատության կենտրոնի հետ կապի ճանապարհը: Տիեզերքը մեզ ամեն ինչ կարող է նվիրել, եթե դրան հավատանք, սակայն բացասականը աուրան վատացնում է՝ այն ավելի սեւ դարձնելով:

Դա, իր հերթին, անհնար է դարձնում դրականի ձգողականությունը, որից եւ հաջողությունն է ձեւավորվում: Հենց այդ պատճառով էլ միայն կասկածներով ապրող մարդիկ հաջողության չեն հասնում սիրո, փողի հարցերում եւ կյանքի այլ ոլորտներում: Ծրագրի ամենատարածված բացասական վիրուսները Բացասական մտքերից կարելի ազատվել, բայց նախ անհրաժեշտ է դրանք ընդունել՝ խոստովանելով, որ այդպիսի խնդիրներ ունեք:

Ահա ամենատարածված մտքերը, որոնք մարդկանց անհաջողության եւ դեպրեսիայի են հասցնում. «Ինձ մոտ ոչինչ չի ստացվում»: Սա բացասական ծրագրի տիպական օրինակ է, որը մարդուն պարտվողական է դարձնում: Ձեզ ավելի հաճախ ասեք՝ «Ինձ մոտ ամեն ինչ կստացվի»: «Ես անհաջողակ եմ»: Իհարկե, անհաջողակ ես, չէ՞ որ այդպիսի բառերով հաջողությունը դեպի քեզ չես ձգի: Որքան ավելի հաճախ եք ձեզ այդպիսի սարսափելի բառեր ասում, այնքան ավելի փոքր է հավանականությունը, որ հաջողություն կունենաք բարդ իրադրություններում կամ կհաջողեք այնտեղ, որտեղ շատ բան պատահականությունից է կախված: Այս դեպքում դրական ձեւակերպումն այսպիսին է՝ «Ես ինձ եմ ձգում հաջողությունը»:

«Ես միայնակ եմ»:

Գտեք ձեր մենակ լինելու պատճառը: Գուցե ծո՞ւյլ եք: Իսկ գուցե վախենում եք հակառակ սեռի ներկայացուցիչների հետ ծանոթանալո՞ւց: Վախերը վերանում են փորձի եւ սխալների ճանապարհով: Ձեզ ասեք, որ «չփորձելով, չես ճաշակի հաղթանակի համը»: Ձեր կյանքն է, եւ դուք ձեր կյանքի հետ կարող եք անել ինչ մտքներովդ անցնի: «Նախկինում դա ինձ հետ արդեն պատահել է, նորից կպատահի»: Ի՞նչ է պատահել: Անհաջողություննե՞ր: Այն կարող է բոլորի հետ էլ պատահել: Հետո ինչ, որ դուք բացասական փորձ ունեք: Կենսական ցանկացած փորձ կարեւոր է:

Պարտությունները կյանքի մի մասն են: Ցանկացած մարզիկ, ցանկացած բիզնեսմեն ձեզ կասի, որ պարտություններն են մեզ կյանքում գլխավորի մասին սովորեցնում, հետեւաբար առանց դրանց յոլա չենք գնա:

Սխալներ եւ պարտություններ չեն լինում միայն բոժոժի կյանքով ապրելու դեպքում՝ առանց զարգացման եւ շարժման: Ձեզ ասեք՝ «Ես կարողանում եմ խնդիրներով հանդերձ ապրել, քանի որ դրանք ինձ ուսուցանում են: Ես թույլ չեմ տա, որ խնդիրներն ինձ կոտրեն»: Հաճախ բացասական ծրագիր կրողները կարող են ոչ թե կոնկրետ մարդիկ լինել, այլ ամբողջ ընտանիքներ: Այդպիսի դեպքերում ընտանեկան ծրագրերը եւ անեծքները էքստրասենսերն են վերացնում: Սակայն ոչ միշտ է խնդիրը թաքնված անեծքի կամ աչքով տալու մեջ: Եթե խնդիրը մտածելակերպի մեջ է, ավելի լավ է դրանով որքան հնարավոր է արագ զբաղվել:

Երբեմն այլ մարդկանց աուրան է ստիպում տառապել: Եթե դուք աշխատում եք, ապրում եք կամ շփվում եք այնպիսի մարդկանց հետ, որոնք իրենց անհաջողակ են համարում, ապա սեփական թռիչքի վրա հույս դնելը խնդրահարույց է դառնում: Քանի որ խոսքը աուրաների փոխազդեցությունների մասին է: Այո, ազդեցություն հնարավոր է լինի, սակայն ինքներդ եք ձեր ճակատագիրը կառուցում: