Ահա թե ինչ են պատմում Ձեր մատնահետքերը Ձեր անհատականության մասին

Blognews.am-ը գրում է.

Գիտաթյան ճյուղերից մեկը՝ դերմատոգլիֆիան, ուսումնասիրում է մարդու մատնահետքերը և փորձում է բացատրել, թե ինչպես են մեր մատնահետքերում առկա հաջորդականությունները անդրադարձնում մեր անհատականությունը և պահվածքը։  Ահա թե ինչ արդյունքներ են ստացել գիտնականները։

Հանգուցաձև մատնահետքեր

Հանգուցաձև մատնահետքը ամենատարածվածն է Եվրոպայում։ Այն ասոցացվում է հանգիստ և բալանսավորված անհատականության հետ։ Այսպիսի մատնահետք ունեցող մարդիկ սովորաբար կարեկցող են և փորձում են օգնել իրենց շրջապատող մարդկանց։ Նրանց հետ շատ հեշտ է ընկերանալ։ Նրանք շատ աշխատասեր են և պարտաճանաչ, սակայն հազվադեպ են նախաձեռնությունը իրենց ձեռքը վերցնում։

Այս մարդկանց համար ինֆորմացիայի հիմնական աղբյուրը մարդկային շփումը և փոխհարաբերություններն են։

Նրանց էմոցիաները շատ հեշտ է կանխագուշակել. նրանք պարզ և սրտաբաց մարդիկ են և սովորաբար լավ առողջական վիճակում են գտնվում՝ չնայած որ մանուկ հասակում չափից շատ են հիվանդանում։ Շատ հաճախ այս մարդիկ սանգվինիկ անհատականություն են ունենում։ Նրանք չեն սիրում ձանձրալի աշխատանք կատարել՝ հատկապես այն ոլորտում, որում հետաքրքրված չեն։ Եթե այսպիսի հանգույցները առակա են նրանց բոլոր մատերին, ապա նրանք հավանաբար լավ երևակայություն ունեն և շատ են սիրում երազել։

Կորաձև մատնահետքեր

Մատնահետքի այս ձևն ունեցող մարդիկ շատ եռանդուն և ինքնավստահ են։ Նրանց ինքնավստահությունը երևում է ամենուր՝ կեցվածքում, քայլվածքում, վերվելաձևում և շարժումներում։ Երբեմն նրանք չափից դուրս համառ են լինում և այդ ժամանակ նրանց հնարավոր չէ համոզել փոխել միտքը և ընդունել սեփական սխալը. ցանկացած որոշում վերջնական է նրանց համար։ Ռեալ մտածելակերպը այս մարդկանց մոտ գերիշղող է։ Այսպիսի մատնահետք ունեցող մարդիկ սովորաբար դժվարանում են հարմարվել նոր միջավայրում և չեն սիրում ուրիշի կարծիքը լսել։ Նրանք իրենց գիտելիքները ստանում են փորձից և շատ հաճախ օգտագործում են ուրիշներին՝ իրենց ուզածին հասնելու համար։ Շատ հաճախ այս մարդիկ խոլերիկ (մաղձոտ) անհատականություն են ունենում։ Նրանք գնահատում են արվեստն ու երաժշտությունը և արտիստիկ շարժուձև ունեն։

Այս մարդկանցից չի կարելի որևէ փափկություն, կարեկցանք կամ ջերմություն ակնկալել, սակայն նրանք չափազանց հավատարիմ են և երբեք միայնակ չեն թողնում իրենց ընկերներին։

Պտտաձև մատնահետքեր

Այսպիսի մատնահետք ունեցող մարդիկ հիմնականում դյուրագրգիռ և խիստ են։ Նրանք բնատուր տաղանդ ունեն՝ շատ արագ են ընկալում ամեն ինչ և մշտապես պատրաստ են վերլուծել իրենց շրջապատող աշխարհը։ Շատ հաճախ նրանք միաժամանակ մի քանի բանով են սկսում զբաղվել, սակայն կեսից թողնում են ամեն ինչ՝ կորցնելով հետաքրքրվածությունը։ Այս մարդիկ սովորաբար դյուրագրգիռ և ոչ կայուն անհատականություն ունեն. Նրանք անկանխատեսելի են և հակված են սեփական զգամունքներն ու մտքերը թաքցնելուն։ Նրանք հակված են սփոփանք փնտրելուն։ Շատ հաճախ կարելի է նկատել, որ նրանք դժգոհ են իրենցից և պատրաստ են քննադատել ամեն ինչ և ամեն մեկին։ Նրանց ինֆորմացիայի հիմնական աղբյուրը սեփական տրամաբանությունն է, չնայած որ նրանք շատ են կարդում։

Շատ հաճախ նրանք ֆլեգմատիկ (ալարկով) անհատականություն են ունենում։ Այսպիսի մարդկանց խոսքը զուրկ է արտահայտչական հավելվածներից, ցածր է և դանդաղ։ Եթե այս մարդիկ կորաձև մատնահետք ունեն նաև երկու ձեռքերի ցուցամատերին, ապա նրանք մտածելու բնատուր տաղանդ ունեն։ Նրան հաճախ կենտրոնանում են ծրագրավորման, իրավաբանության և տարատեսակ հետազոտությունների ուսումնասիրման վրա։

Ամփոփելով վերը նշվածը կարելի է ասել, որ պտտաձև մատնահետքեր ունեցող մարդիկ բազմակողմանի և բարդ անհատականություն ունեն և շատ հաճախ չգիտեն նույնիսկ սեփական ունակությունների չափը։