Ծակոտիներից ազատվելն այսքան հեշտ դեռ երբեք չէր եղել

168.am-ը գրում է.

Մաշկը պաշտպանում է ներքին օրգանները արտաքին աշխարհի վնասակար ազդեցությունից, մաշկի շնորհիվ ներս չեն թափանցում ինֆեկցիաներ և քրտինքի հետ միասին օրգանիզմից դուրս են գալիս ոչ պետքական նյութերը: Այս գործընթացների կատարման համար մեծ նշանակություն ունեն ծակոտիները: Օրգանիզմի կարևոր ֆունկցիաների կանոնավոր աշխատանքը առանց ծակոտիների անհնար կլիներ:

Այն, որ ծակոտիները կարևոր դեր են խաղում մեր առողջության համար՝ անվիճելի փաստ է, սակայն լայնացած ծակոտիներն էսթեթիկայի տեսակետից տգեղ են:

Ինչո՞ւ են առաջանում լայնացված ծակոտիներ

Առաջին հերթին ծակոտիներն առաջանում են դեմքի մաշկի պակաս խնամքի դեպքում: Շատ հաճախ լայնացված ծակոտիներն առաջանում են ճարպոտ մաշկ ունեցողների մոտ՝ հիմնականում քթի, ճակատի և կզակի շրջանում: Այս խնդիրը երբեմն ահանգստացնում է նաև չոր մաշկ ունեցողներին:

Ծակոտիների լայնացման պատճառներից մեկը անդրոգեն հորմոնի դիսբալանսն է, որը տեղի է ունենում տարիքի հետ կամ փոխանցվում է ժառանգաբար:

Անդրոգեն հորմոնի ոչ ճիշտ մակարդակը հանդիպում է ինչպես կանանց, այնպես էլ տղամարդկանց մոտ, որի հետևանքով էլ մաշկի վրա ձևավորվում է լրացուցիչ ճարպ:

Ճարպագեղձերը, որոնք կազմում են ծակոտիների անբաժան մասը, ճարպի առաջացման հետևանքով լայնանում են: Ծակոտիների վիճակի վատթարացման հետևանք են համարվում սթրեսը, ոչ ճիշտ սննդակարգը, աղտոտված օդը և կենսակերպը, որոշ սննդամթերքներ՝ կաթնային շոկոլադը, սուրճը, կծու մթերքները, քաղցր ալկոհոլային խմիչքները, սպիրտային հիմքով լոսյոնները, բշտիկները սեղմելը, արևը և այլն:

Գոյություն ունեն միջոցներ, որոնք թույլ կտան ազատվել լայնացած ծակոտիներից կամ դրանք նեղացնել:

Դեմքի սկրաբ

Դեմքի ավելորդ ճարպից կօգնի ազատվել սկրաբը: Ամենօրյա սկրաբի օգտագործումը կնպաստի ծակոտիների մաքրվելուն, ճարպի հեռացմանը, որն էլ իր հերթին թույլ չի տա բշտիկների առաջացմանը:

Սկրաբ ընտրելիս ուշադրություն դարձրեք, որ այն պարունակի վիտամին С կամ վիտամինը А: Վիտամիններ А և С պարունակում են հակաօքսիդանտներ, որոնք կօգնեն ոչ միայն հեռացնել մաշկի աղտոտվածությունը և ճարպը այլը կնպաստեն կոլագենի և էլաստինի ձևավորմանը: Շատ սկարբենրի հիմքում կա շաքար, որը  մերսման հետևանքով մաշկից հեռացնում է մահացա բջիջները:

Մաշկի մշտական խնամք

Ձեզ համար սովորույթ դարձրեք ամեն օր հոգ տանել դեմքի մաշկի մասին: Դեմքը լվանալու համար ընտրեք այնպիսի կոսմետիկ միջոցներ, որոնք պարունակում են վիտամին С կամ А, որոնք կօգնեն լայնացված ծակոտիները նեղացնել: Շաբաթը մեկ անգամ օգտագործեք ծակոտիները նեղացնող դիմակ, որից հետո դեմքին քսեք փափկեցնող քսուք:

Տնային միջոցներ

Մաշկի ծակոտիների նեղացնելուն կօգնի հետևյալ պարզ միջոցը.

Թասի մեջ լցրեք տաք ջուր, ջրի մեջ ավելացրեք կիտրոնի, անանուխի կամ երիցուկի եթերային յուղեր: Կռացեք թասի վրա և ծածկեք գլխի վերևի հատվածը սրբիչով՝ այնպես, որ գոլորշին բարձրանա դեմքի ուղղությամբ: Մնացեք այդ դիրքում 3 րոպե և ծակոտիները կբացվեն: Դեմքը  լոսյոնով սրբեք և ծակոտիները արդեն մաքրված կլինեն: Եթե այս մեթոդը ճիշտ կիրառեք, ապա ծակոտիները կմաքրվեն և նկատելիորեն կնեղանան: Մաքրված ծակոտիների արագ նեղանալուն կօգնի ատամի մածուկը, որը պետք է բարակ շերտով քսել դեմքին:

Ինչպիսի կոսմետիկ միջոցներ կիրառել

Միշտ ուշադրություն դարձրեք ձեր օգտագործած կոսմետիկայի բաղադրությանը: Ալկոհոլը, թթուները և պերօքսիդը վտանգավոր նյութեր են, որոնք լայնացնում են ծակոտիներ, իսկ երբ լայնանում են ծակոտիները, ապա ավելի շատ օտար ծագման նյութեր և աղտոտություններ են թափանցում ներս: Օգտագործեք հիպոալերգիկ կոսմետիկա, որը պարունակում է հանքանյութեր:

Լայնացված ծակոտիները կարելի է ծածկել օտար աչքերից հիմքով կամ դիմափոշիով, սակայն տուն գալուն պես՝ արագ հեռացրեք մաշկից բոլոր կոսմետիկական միջոցները:

Ձուկը նպաստում է մաշկի երիտասարդացմանը

Ամերիկացի գիտնականները պարզել են, որ ձկան դիետան օգնում է կանանց մնալ ոչ միայն առողջ, այլև գեղեցիկ:

Արդյունավետ միջոցներ

Մի շարք տնային միջոցներ շատ արդյունավետ են լայնացված ծակոտիները նեղացնելու համար: Կարագը և աղը խառնեք իրար և ստացված խյուսը քսեք լայնացված ծակոտիներին: Մեկ այլ միջոց  է նաև ձիթայուղը, որը չի խցանում ծակոտիները, լավ մաքրում է դեմքի մաշկը: Մեկ ճաշի գդալ ձիթայուղով շրջանաձև շարժումներով մերսեք դեմքի մաշկը և 3 րոպե անց դեմքին դրեք տաք ջրում թրջած սրբիչ: Երբ սրբիչը կսառչի, հանեք այն և դեմքին մնացած ձիթայուղը մաքրեք բամբակով: