Ի՞նչ է պատմում ձեր մասին Չինական աստղագուշակը

Առնետ

Առնետները վառ երևակայությամբ հմայիչ կենդանիներ են։ Հարաբերություններում այս մարդիկ սովորաբար առատաձեռն են և խորաթափանց, թեև տաքարյուն են և չափազանց քննադատորեն են վերաբերվում ուրիշներին։ Նույնիսկ օտար շրջապատում իրենց շատ ազատ և անկաշկանդ են են զգում։

Առնետները օժտված են յուրահատուկ մտավոր ունակություններով, ինչը թույլ է տալիս իրենց հասկանալ և ընկալել նոր ինֆորմացիան և թարմ գաղափարները։ 
Առնետները հաճախ շատ պարտականություններ են վերցնում  իրենց ուսերին և աշխատում ուրիշների փոխարեն։

Սիրո և բիզնեսի հարցերում Առնետները հավատրիմ են և կրակոտ, թեև իրենց խիզախությունը հազվադեպ է գնահատվում ուրիշների կողմից։ Այս ամենն այն պատճռով է, որ Առնետները համեստ են։ 

Ցուլ
Այս մարդիկ տարբերվում են խնդիրներն ու անախորժությունները քաջությամբ ընդունելու եզակի ունակությամբ։ Նրանք կարողանում են հաղթահարել գրեթե բոլոր խոչընդոտները, որնք հանդիպում են իրենց և իրենց մտերիմների ճանապարհին։

Ցավոք, հաճախ չափազանց պահանջկոտ են, իսկ երբեմն էլ՝  շովինիստ։

Այս մարդիկ ամենից լավ կարողանում են պաշտպանել իրենց շահերը, օժտված են պատասխանատվության զգացողությամբ, կայունությամբ։ Նրանք քնքուշ են և հավատարիմ իրենց զուգընկերների և ընտանիքի նկատմամբ։ 

Վագր 
Զգայուն և էմոցիոնալ մարդիկ։ Սովորաբար նրանք իրենց կյանքում մեծ սիրո մի քանի դրվագ են ունենում։

Վագրերի մոտ գերիշխում է մրցակցային ոգին և տիրելու ցանկությունը։ Այսպիսի մարդիկ ամենից շատ ազատության և անկախության կարիք ունեն։ Խիզախորեն ընդունում են ցանկացած մարտահրավեր և պատրաստ են անմիջապես մտնել պայքարի մեջ։
Հարաբերություններում Վագրերրը կրքոտ են, անկեղծ ու տաքարյուն։

Այս նշանի թերությունն է՝ չափազանց բուռն են արձագանքում քննադատությանը։ Երբ իրենց քննադատում են, նրանք անմիջապես ճնշված են զգում իրենց՝ թեև ճակատգրի անկանխատեսելի փոփոխությունները հեշտությամբ են հաղթահարում։ 

Ճագար
Ճագարներին սիրում և հարգում են ցանկացած շրջապատում, որովհետև նրանք շատ քաղաքավարի, քնքուշ և բարյացակամ են բոլորի նկատմամբ։ Ցավոք, այս քաղաքավարության հակառակ կողմը գերզգայունությունն է։

Ճագարներն իրենց ճնշված են զգում ցանկացած բանավեճերին ներկա գտնվելիս։

Ճագարները կարողանում են քրտնաջան աշխատել, սակայն միայն իրենց համար հաճելի խնդիրների շուրջ։ Չարժե ծանրաբեռնել իրենց անհետաքրքիր աշխատանքով. այս իրավիճակներում հաճախ ցրված են, թեև չեն գիտակցում դա։

Սովորաբար  Ճագարները հանգիստ, հեզ, ամաչկոտ և պահպանողական մարդիկ են։ Բոլորը գիտեն, որ Ճագարներն օժտված են հսկա ինտելեկտով, իրենց գերզգայունության պատճառով նախընտրում են լռել, որովհետև անվտանգությունն ամենից կարևոր է իրենց համար։ 

Վիշապ

Եռանդով լի և խարիզմատիկ մարդիկ են։Այս հատկությունների հակառակ կողմն է՝ աղմկելու և բարձրաձայն խոսելու ցանկությունը։

Վիշապները ինտելեկտուալներ և կատարելապաշտներ են։ Պահանջկոտ են , սակայն եթե իրավիճակը պահանջում է, կարող են ամբողջ ուժը ներդնել նպատակին հասնելու համար։ 
Այս մարդիկ չեն ընդունում ոչ մի կանոն։ Նրանց թվում է, որ հենց իրենք իրավունք ունեն սեփական ուղղությամբ շարժվել։

Օձ

Օձերը իմաստուն են, և հաճախ Օձերից հռչակավոր փիլիսոփաներ և վիպասաններ են ստացվում։

Այս նշանի տակ ծնված մարդիկ խորհրդավոր են և չեն ցանկանում հասարակական գործունեությամբ զբաղվել։ Իրենք քիչ ընկերներ ունեն և նախընտրում են միայնությունը։
Սովորաբար նպատակին հասնելու գործընթացը Օձերի մոտ անցնում է աննկատ՝ ճանաչումն իրենց չի հետքրքրում։ Հարաբերություններում խանդոտ են։

Ձի

Աշխատասեր և համառ մարդիկ են, միևնույն ժամանակ՝ թույլ թիմակիցներ են։ Ձիերը սիրում  են գործել ինքնուրույն։

Ձիերի անկախությունը՝ իրենց էգոիզմի հետևանքն է։  Նրանք սոցիալական հմտություններով օժտված ինտելեկտուալներ են։

Սիրային հարաբերություններում չափազանց էմոցիաոնալ են, խանդոտ, ազդակային։

Ոչխար

Որպես կանոն, գեղեցիկ են և հմայիչ։ Ցանկություն է առաջանում սիրել և պաշտպանել իրենց։ Միևնույն ժամանակ հեշտությամբ են տանում ֆիզիկական անհարմարությունն ու չեն բողոքում կենցաղային վատ պայմաններից։Իսկ ինչ վերաբերվում է կյանքին առհասարակ՝ այստեղ Ոչխարները, ցավոք, գրեթե միշտ վատատես են։

Նրանք բարի են, պատրաստակամ, կարեկցող, սակայն հենց իրենք օգնության կարիք ունեն։ Ինքնագնահատականն էլ սովորոբար խնդիրներ է ստեղծում՝ երբեմն իրենք ագրեսիվ են և ինքնավստահ, երբեմն էլ՝ երկչոտ կյանքի ամենապարզ իրավիճակներում։  

Ոչխարների համար ամենալավ բնագավառնենրն են՝ արվեստը, գեղարվեստական ստեղծագործությունն ու բնության մասին հոգատարությունը։

Հարաբերություններում բարի են և զգայուն։ Ընտանիքում կարևորում են անվտանգությունն ու կայունությունը։

Կապիկ

Խելացի են և եռանդուն, իսկ իրենց խարիզմայի շնորհիվ կարող են ցանկացած ամբոխի առաջնորդ դառնալ։ Թեև երբեմն իրենց համարում են չափազանց շատախոս և էքսցենտրիկ։
Սակայն ոչ ոք չի կարող առարկել Կապիկների սրամտությունը, գրավչությունն ու ցանկացած իրավիճակից հումորով դուրս գալու ունակությունը։

Միակ թերությունը՝ հազվադեպ են վստահության արժանանում։ Պատասխանատվությունը Կապիկների համար մեծ բեռ է։

Եռանդն ու բնական անհանգստությունը հաճախ բերում են նրան, որ Կապիկները ոչ մի կերպ չեն կարողանում կարիերայի տրամաբանական և ճիշտ ճանապարհը կառուցել, որովհետև  շատ հաճախ են փոփոխում բնագավառները։

Աքաղաղ

Իդեալական աշխատակից, որը հեշտությամբ է կատարում ցանկացած, նույնիսկ ամենաբարդ  գործը։ Գումարած՝ շատ համեստ են և հարգում են ոչ միայն սեփական, այլ նաև ուրիշի տեսակետը։

Իրենց մասնագիտական չափանիշները շատ բարձր են, սակայն ղեկավարող պաշտոններ հազվադեպ են զբաղեցնում։

Սիրում են նորաձև և աչքի ընկնող հագուստ։ Մարդիկ իրենց սիրում են, և Աքաղաղները շատ ընկերներ ունեն։ Հավատարիմ են ու անձնվեր։

Շուն

Շների գլխավոր հատկություններն են՝ նվիրվածությունն ու հավատարմությունը։ Այս մարդիկ երկար են փնտրում իրենց կարիերայի ուղին և ընտրողաբար են վերաբերվում հոբբիին։

Նրանք սրամիտ են, ունակ են կառուցողական քննադատության, հավատարիմ են իրենց սկզբունքներին արդարության և ազնվության հարցերում։

Հուսալի ընկերներ են և զուգընկերներ, թեև հաճախ են վիրավորվում և ներել բացարձակ չգիտեն։ 

Վարազ

Հրաշալի գործընկերներ են, բարի, խելացի և համբերատար մարդիկ։ Հաճելի զրուցակիցներ են, որոնք կարող են հարստացնել ցանկացած երկխոսություն։ Վարազներն ունակ են սահմանել և լուծել իրենց համար բարդ խնդիրները։ Հայտնի են իրենց սրամտությամբ և հումորի զգացումով։ 

Վարազի հետ լավ հարաբերություններ կառուցելու համար խոչընդոտ կարող է լինել իր վեհության և սեփական թերությունները չընդունելու հատկությունը։

Նրանց հատուկ է միամտությունը։ Այս մարդիկ շատ միամիտ են և ստորություն չեն ակնկալում ուրիշներից, ինչի պատճառով էլ հաճախ տառապում են։ 
Վարազները բոլորից լավ կարողանում են գնահատել նյութական բարեկեցությունը և ընտանեկան երջանիկ կյանքը։ 

Աղբյուրը՝ NEWS.am STYLE