Ահա թե ինչու են փղերի համար իրենց տատիկներն այդքան կարևոր

Շատերիս համար մեր տատիկները իմաստության, խնամքի, բարության մարմնավորում են: Իսկ կենդանական աշխարհում կենդանու մոր կամ հոր մայրը երիտասարդ սերնդի համար կարևոր դեր չի խաղում: Պատճառն այն է, որ կենդանիները երկար չեն ապրում և նրանք միմյանց հետ այդքան կապված ընտանիքներ չեն ստեղծում, ինչպես մարդիկ:

40 տարվա ուսումնասիրության ընթացքում պրոֆեսոր Գիլլիս Լին ուսումնասիրել է Քենիայի Ամբոսելի ազգային պարկի 800 տարբեր փղերի (հիշեցնենք, որ փղերի կյանքի տևողությունը հավասար է մարդու կյանքի տևողությանը): Հետաքրքիր է, որ նա պարզել է, որ փղի ձագի գոյատևումը կախված է նրա տատիկի ներկայությունից:

Փղերն ապրում են տարբեր տարիքային տարբերություններ ունեցող մեծ ընտանիքներում:

Ինչու՞ են փղերի տատիկներն այդքան կարևոր:

• Փղերի ընտանիքում ամենածեր էգը համարվում է ընտանիքի գլուխը: Նա է տանում հոտը դեպի ջուրը և սնունդը, ինչպես նաև նա է հոգ տանում իր ընտանիքի անդամների մասին եթե նրանք կռվում են այլ ընտանիքի հետ:

• Փղերն ավելի շատ են ծնում, եթե ընտանիքում տատիկ կա:

• Հիմնականում տատիկն է պաշտպանում ձագերին և հոգ տանում նրանց մասին:

• Մեծահասակ էգ փղերը չեն մրցակցում սննդի համար, ինչը հաճախ լինում է այլ կենդանիների հետ, քանի որ նրանք թույլ են տալիս երեխաներին ուտել առաջինը:

Պրոֆեսոր Լին ասում է, որ փղերը շատ խելացի կենդանիներ են և երկար տարիների ուսումնասիրություններ են պետք նրանց ավելի լավ հասկանալու համար:

Նյութը հրապարակման պատրստեց Past.am-ը: