Հայաստանի 25 տարվա քաղաքական համակարգը.«Առավոտ»

Ներկայացնում ենք թերթի խմբագրականից մի հատված.

«Հայաստանում կուսակցությունները լինում են երեք տեսակի՝ 1/ իշխող (ՀՀՇ, հիմա ՀՀԿ)՝ դա մի խումբ է, որի նպատակը, պարզ ասած, «ուտելն» Է, 2/ իշխողի արբանյակ (տարբեր ժամանակներում տարբեր Էին), որոնց նպատակ ունեն «կողքից օգտվել», և 3/ ընդդիմադիր (Էլի փոփոխական են)։ Վերջիններս 25 տարի է՝ նույն բանն են ասում՝ «հեսա մի քանի ժամից, մի քանի օրից կամ մի քանի ամսից մենք իշխանությունը կվերցնենք և մեր ժողովրդի համար երջանիկ, բարեկեցիկ կյանք կապահովենք»։ Հարցնում ես՝ «իսկ ինչո՞ւ Է կյանքն այդքան ուրախ դառնալու»։ Պատասխան. «Ո՞նց թե ինչու։ Որովհետև սրանք գող-ավազակ են, իսկ մենք ազնիվ, պարկեշտ, ազգիս նվիրված մարդիկ ենք։ Հեսա մենք այնպիսի ծանր, այնպիսի խոցող բառեր կասենր իշխանությունների հասցեին, որ ժողովուրդը կգրգռվի՝ դուրս կգա փողոց, և մենք կիրականացնենք իշխանափոխություն»։

Այդպիսին Է Հայաստանի 25 տարվա քաղաքական համակարգը, որը բոլոր երեք խմբերին քիչ թե շատ հանգիստ կյանք Է ապահովում, որովհետև առաջին երկուսին հաճելի Է «ուտելը», երրորդին հաճելի Է պառլամենտական և այլ ամբիոններից վերոհիշյալ բառերը հնչեցնելը («սպիտակ ջարդ», «թուրքից բեթար», «դավաճանություն», «երկիրը կործանվում Է»), իսկ քաղաքացիների մեծ մասին հաճելի Է լսել այդ բառերը՝ սիրտը հովացնելու առումով։ Այդ համակարգի պայմաններում իրավիճակն իսկապես գնալով վատանում է՝ թե՛ տնտեսական  և թե՛ արտաքին քաղաքական առումով»,–գրում է թերթի խմբագիրը։

Ամբողջությամբ՝ թերթի այսօրվա համարում։