Երբ մի փոքր կմեծանամ ու հասուն դիմագծեր կունենամ, այդ ժամանակ կմտնեմ քաղաքականություն. Լիա Զախարյան

Life.panorama.am-ը գրում է.

Դերասանուհի Լիա Զախարյանն, ում արդեն երկար ժամանակ է՝ էկրաններին չենք տեսնում, շուտով կրկին կվերադառնա աշխատանքային ակտիվ գործունեության: Life.panorama.am-ին Լիան պատմել է ոչ միայն աշխատանքային պլանների, այլեւ անձնական կյանքի մասին:

Լիա, արդեն երկար ժամանակ է՝ էկրաններին Ձեզ չենք տեսնում, հետաքրքիր է՝ ինչո՞վ եք այս շրջանում զբաղված:

- Վերջին շրջանում ու հիմա եւս դասերիս մեջ եմ կենտրոնացել: Քանի որ սովորում եմ Երեւանի թատրոնի եւ կինոյի պետական ինստիտուտում՝ պետպատվերի շրջանակենրում, մեծ պատասխանատվություն էր քննություններս գերազանց հանձնել, ինչն ինձ կարծես թե հաջողվում է:

Իսկ նկարահնման գործընթացին  վերադառնալու պլաններ կամ առաջարկներ չկա՞ն:

- Իհարկե, կան, քանի որ ինքս էլ շատ եմ կարոտել այդ ողջ գործընթացին: Հիմա երեք տարբեր նախագծերի կողմից առաջարկներ ունեմ, որոնց մասին նախապես տեղեկություններ հայտնելու իրավունք չունեմ, միայն կարող եմ նշել, որ երկուսը՝ հեռուստասերիալներ են, մեկը՝ սիթքոմ: Դեռեւս չգիտենք, թե ո՞ր նախագիծը կընդունվի հեռուստաընկերությունների կողմից, բայց մի բան հաստատ է՝ շուտով ես կրկին էկրաններին կլինեմ:

Լիա, հեռուստադիտողը Ձեզ ճանաչեց հումորային սերիալով, բայց ընթացքում Ձեզ հանդիպեցինք նաեւ լուրջ հեռուստասերիալում: Հետաքրքիր է՝ ինքներդ ո՞ր ժանրին եք ավելի շատ նախապատվություն տալիս:

- Այս հարցին մի փոքր կդժվարանամ պատասխանել: Վերջերս թե թատրոնում, թե սերիալում լուրջ կերպարներով հանդես եկա ու հիմա երեւի ավելի շատ կցանկանայի կրկին հումորային կերպարով ներկայանալ: Ընդհանուր առմամբ՝ իմ ներսում հումորը մեծ դեր ունի, ինձ հաճելի է ժպիտ պարգեւել մարդկանց:

Լիա, կար շրջան, որ աշխատում էիք «Դար21» հեռուստաընկերությունում, այնտեղ անգամ Ձեր հեղինակային հաղորդումը ստեղծեցիք. ինչո՞վ էր պայմանավորված այդ աշխատանքից հրաժարվելը:

- Ոչ մի հատուկ պատճառ չկա, պարզապես այդ շրջանում շատ մեծ էր զբաղվածությունս, թատրոնում պրեմիերաներ ունեի, բացի այդ քննական շրջան էր սկսվում ու ես պարզապես չէր հասցնում: Ինձ համար մի փոքր հեշտ էր այդ աշխատանքից հրաժարվելը, քանի որ իմ ստեղծած նախագիծը՝ «Սթար-դուետը», արդեն մեկնարկել էր, ուներ ճաաչում ու վարկանիշ, բյաց իհարկե, այս առումով եւս դժվարություն ունեցա, թեպետ հետեւեցի հաղորդման ընթացքին, որն առանց ինձ էլ ճիշտ հունով ընթացավ, հուսամ՝ աշնանը կլինի նաեւ երկրորդ  եթերաշրջան, քանի որ այն հաջողված նախագիծ է:

Լիա, գիտեմ, որ Ձեզ հետաքրքրում է նաեւ քաղաքականությունը, մի ընթացք կար անգամ, որ փորձաշրջան էիք անցնում ՀՀ Կառավարությունում: Հիմա հրաժարվե՞լ եք այդ ոլորտից:

- Կսրծում եմ՝ ես երբեք էլ չեմ կողմոնորշվի այս հարցում, քանի որ ինձ անընդհատ ձգում է թե քաղաքականությունը, թե դերասանական արվեստը:

Բայց ի՞նչ եք կարծում, հանրությունը վստահո՞ւմ է իգական սեռի երիտասրադ ու գեղեցկադեմ քաղաքական գործիչներին:

- Կարծում եմ՝ չկա այնպիսի ասպարեզ, որտեղ մուտքը պետք է փակ լինի երիտասրադ ու գեղեցկադեմ աղջիկների համար: Ոչինչ, ես հեռակա կարգով փորձ ձեռք կբերեմ, իսկ երբ մի փոքր կմեծանամ ու հասուն դիմագծեր կունենամ, այդ ժամանակ կմտնեմ քաղաքականություն:

Լիա, բացի ուսանողական թատրոնից որեւէ թատրոնի աշխատակից դառնալու ծրագրեր չունե՞ք:

- Ոչ դեռեւս նման պլաններ չունեմ, քանի որ դա ինձ համար մեծ պատասխանատվություն կլինի: Հնարավոր է, որ մի փոքր էլ սովորեմ, ավելի հասուն ու պրոֆեսիոնալ դառնամ եւ լավ առաջարկի դեպքում ես էլ նվիրվեմ թատրոնին: Պարզապես ես դեռ զգում եմ, որ թատրոն մուտք գործելուն պատրաստ չեմ, դրա համար ես պետք է համապատասխան գիտելիք ու կամք ունենամ:

Լիա, չեմ կարող չանդրադառնալ Ձեր անձնական կյանքին, գիտեմ, որ արդեն գտել եք նրան, ում կողքին Ձեզ լիարժեք եք զգում: Կպատմե՞ք սիրելիի մասին:

- Իմ սիրելին ուժեղ ու խելացի տղամարդ է, ումից շատ բան ունեմ սովորելու: Նա հենց այնպիսին է, ինչպիսին ես պատկերացնում էի իմ կողակցին: Այս թեմայի շուրջ դեռեւս այսքանը, բայց  անձնական կյանքիս մասին առավել մանրամասն խոստանում եմ առաջինը կիսվել Life.panorama.am-ի հետ: