Գեղանկարիչ Էդուարդ Վարդանյանը դստեր՝ Ամալյա Վարդանյանի հետ ցուցահանդես է բացել

Հայաստանի նկարիչների  միությունում բացվել է ՀՀ արվեստի վաստակավոր գործիչ, Երևանի գեղարվեստի պետական ակադեմիայի կերպարվեստի ֆակուլտետի դեկան, պրոֆեսոր Էդուարդ Վարդանյանի և նրա դստեր՝ Ամալյա Վարդանյանի աշխատանքների ցուցահանդեսը:

Ինչպես «Արմենպրես»-ին տեղեկացրին ՀՀ սփյուռքի նախարարության մամուլի եւ հասարակայնության հետ կապերի վարչությունից, բացման խոսքով հանդես է եկել Հայաստանի նկարիչների միությաննախագահ Կարեն Աղամյանը: Նա նշել է.«Էդուարդ Վարդանյանիստեղծագործություններն աչքի ենընկնում իրենց ինքնատիպությամբ ևուրույն ձեռագրով: Երկար տարիներՎարդանյանը նվիրել է գեղարվեստիակադեմիային՝ կրթելով բազմաթիվսերունդներ: Նրա աշխատանքներըյուրահատուկ են և կրկնելն անհնար: Շնորհավորում եմ այս գեղեցիկ ցուցահանդեսի առթիվ՝ ցանկանալով ԷդուարդՎարդանյանին մեծ եռանդ և աշխատանքային բեղուն գործունեություն»:

Հաղորդագրության մեջ նաև նշված է. «Ողջույնի խոսքով հանդես եկավ ՀՀ սփյուռքի նախարար Հրանուշ Հակոբյանը:

Շնորհավորելով նկարչին 70-ամյա հոբելյանի առթիվ՝ նախարարը նշեց. «Սիրելի՛ բարեկամներ, գեղարվեստի ակադեմիանիսկապես հարուստ է Վարդանյանով: Մեր սիրելի Էդուարդը տարիներ շարունակ սերունդներ է կրթել՝ իր արվեստնու գիտելիքները փոխանցելով երիտասարդ նկարիչներին: Վարդանյանի արվեստում գրավում են կերպարները՝ մարդը և կենդանին՝ որպես բնության հրաշքներ: Մարդկանց և կենդանիների պատկերները նրա աշխատանքներումարված են լակոնիկ, վրձնի ճշգրիտ և սահուն շարժումներով: Հետաքրքրական է, որ Վարդանյան ընտանիքում հայրը վերարտադրում է  ավանդական հայկական, պատմական անցյալը, իսկ դուստրը մեզ է <ներկայացնումեվրոպական քաղաքակրթությունը»:

Սփյուռքում հայկական արվեստը տարածելու և ճանաչելի դարձնելու, ինչպես նաև իր ստեղծագործական գործունեությամբ Հայաստան¬Սփյուռք համագործակցության զարգացման գործում ներդրում ունենալու համար նախարար Հրանուշ Հակոբյանը նկարիչ էդիկ Վարդանյանին պարգևատրեց ՀՀ սփյուռքի նախարարության «Արշիլ Գորկի» մեդալով:

Էդուարդ Վարդանյանի արվեստի մասին դրվատանքի խոսքով հանդես եկավ Գեղարվեստի պետական ակադեմիայի ռեկտոր  Արամ Իսաբեկյանը:

Միջոցառման վերջում  հանդես եկավ հեղինակ Էդուարդ Վարդանյանը: Արվեստագետը   շնորհակալություն հայտնեց  սփյուռքի նախարարությանը և հատկապես նախարար Հրանուշ Հակոբյանին՝ իր արվեստը բարձր գնահատելու և աշխատանքների ցուցադրությանն աջակցելու համար»:

Միջոցառմանը մասնակցել են պետական և հասարակական գործիչներ, արվեստագետներ:

Ցուցահանդեսը կազմակերպվել է նաև Հայ կանանց միջազգային միավորման, Հայաստանի գեղարվեստի ակադեմիայի, Հայաստանի նկարիչների միության «Արտ-Կովկաս» տարածաշրջանային ասոցիացիայի աջակցությամբ։