Հարսանիքների հետ կապված նախանշաններ և սնահավատություններ

168.am-ը գրում է.

Կարելի է հիշել բազմաթիվ նախանշաններ և սնահավատություններ` կապված հարսանիքների հետ: Չէ՞ որ դա ծայրահեղ կարևոր իրադարձություն է մարդու կյանքում: Առանձնահատուկ նախանշաններ կան տարվա յուրաքանչյուր ամսին տեղի ունեցող հարսանիքների համար:

Ընտանեկան կյանքի նախանշանները` ըստ ամիսների:

Հունվար – տարվա առաջին ամիսը, ինչպես պնդում են սնահավատությունները, ամենաբարենպաստը չէ հարսանիքի համար: Պնդում էին, որ ամուսինը հետագայում կարող է լուրջ հիվանդանալ, իսկ կինը` այրիանալ:

Փետրվար – կօգնի ամուսինների միջև պահպանել ջերմությունը:

Մարտ – հարմար է նրանց համար, ով ցանկանում է ճանապարհորդել, սիրում է շարժումը և դեմ չի սիրելի մարդու հետ միշտ շարժման մեջ լինել:

Ապրիլ – ապագա ամուսինները կտեսնեն և տխրություն, և ուրախություն, ամեն ինչ կլինի լիության մեջ:

Մայիս – կանխագուշակվում են շատ տառապանքներ և ունայնություն, ուստի սնահավատությունները խորհուրդ չեն տալիս ամուսնանալ այդ ամսին:

Հունիս – համարվում է, որ այս ամսին ամուսնացածները մինչև կյանքի վերջը հավատարիմ կլինեն մեկը մյուսին, և նրանց սրտում միշտ ուժեղ սեր կլինի:

Հուլիս – սնահավատությունների համաձայն՝ այնքան էլ լավ ամիս չէ ամուսնության համար:

Օգոստոս – շատ հարմար է հարսանիքի համար: Ամուսնությունը երջանիկ կլինի, իսկ ամուսինը և կինը հավատարիմ կլինեն մեկը մյուսին:

Սեպտեմբեր – հանգիստ ընտանեկան կյանք:

Հոկտեմբեր – Առաջին տարիները շատ ծանր կլինեն, բայց երբ հաղթահարեք դժվարությունները, ապա ամուսնությունը միայն ուրախություն կպարգևի:

Նոյեմբեր – սնահավատությունը պնդում է, որ այս զույգը նյութական բարեկեցություն կունենա, ա՛յ, իսկ զգացմունքները կլինեն երկրորդ տեղում:

Դեկտեմբեր – այս ամիսը շատ հարմար է ամուսնության համար, քանի որ խոստանում է երջանիկ համատեղ կյանք՝ մինչև կյանքի վերջ: