Meydan TV-ն արդեն հավաքել է ադրբեջանցի մահացած 81 զինծառայողների տվյալներ

ОБЩЕСТВО 9 Апрель, 2016 13:06

Չնայած Ադրբեջանի պաշտոնական շրջանակները շարունակում են գաղտնի պահել ապրիլի 1-5-ին Լեռնային Ղարաբաղի Հանրապետության հետ առաջնագծում Ադրբեջանի զինված ուժերի ռազմական ագրեսիայի հետեւանքով սպանված սեփական զինծառայողների ամբողջական ստույգ թիվը, սակայն, ադրբեջանական աղբյուրները սեփական հետազոտության արդյունքում հայտնում են պաշտոնապես հայտաÖ �արված թիվը մոտ երեք անգամ գերազանցող տվյալներ:

Ինչպես հաղորդում է «Արմենպրես»-ը, Ադրբեջանի պաշտպանության նախարարությունը պաշտոնապես հայտնել է 31 զինծառայողի կորստի մասին (Mod.gov.az - ապրիլի 2-ին ` 12, ապրիլի 3-ին` 3, ապրիլի 4-ին եւ 5-ին` 16)` հանրությանը չներկայացնելով այդ անձանց ցուցակը, ինչը խոսում է այն մասին, որ ադրբեջանական կողմի կորուստները շատ ավելին են:

Հետաքրքիր է, որ Ադրբեջանի պաշտպանության նախարարությունը հատուկ նշել է, որ եթե զոհերի մասին իր հայտնած թվերից տարբերվող թվեր հայտնողներ լինեն, ապա «դա նրանց անձնական գործն է»:

Այդուհանդերձ, ադրբեջանական ինտերնետային Meydan TV լրատվական կայքը, շարունակելով ի մի բերել ապրիլի 2-ից մինչեւ ապրիլի 7-ն ընկած ժամանակաշրջանում սոցալական ցանցերում տարածված տեղեկությունները, հրապարակել է ապրիլի 8-ի օրվա վերջի դրությամբ ադրբեջանական կողմի ընդհանուր կորուստը` նշելով բոլոր սպանվածների անունները եւ նրանց հողին հանձնվելու վայրերը:

Ըստ Meydan TV-ի հրապարակման` Ադրբեջանի զինված ուժերի ապրիլի 1-7-ն ընդհանուր կորուստը կազմել է 81 զինծառայող, 6 անհայտ կորած զինծառայող, 6 քաղաքացիական անձ:

Մեկ հետաքրքիր պահ եւս. Ադրբեջանի առաջին տիկին, «Հեյդար Ալիեւ» հիմնադրամի նախագահ Մեհրիբան Ալիեւան ապրիլի 7-ին Բաքվի «Հեյդար» մզկիթում ապրիլի 1-5-ը սպանված զինծառայողների հիշատակին հոգեհաց է կազմակերպել: Արարողությանը հրավիրվել են սպանված զինծառայողների մայրերը: Դատելով այդ արարողությունից Ադրբեջանի պաշտոնական azertag.azլրատվական կայքի հրապարակած լուսանկարներում արարողությանը մասնակցած զոհված ադրբեջացի զինծառայողների մայրերի թվից, պարզ է դառնում, որ Լեռնային Ղարաբաղի Հանրապետության դեմ Ադրբեջանի սանձազերծած ապրիլյան ագÖ �եսիային հայկական կողմի հակահարվածների արդյունքում ադրբեջանական կողմի կորուստն անցնում է մի քանի հարյուրը:

ԼՂՀ ՊԲ տվյալներով` ապրիլի 1-5-ը ԼՂՀ դեմ ռազմական սադրանքին հայկական կողմի ջախջախիչ հակահարվածի արդյունքում Ադրբեջանը կորցրել է 2 ուղղաթիռ, 24 տանկ, 3 հետեւակի մարտական մեքենա, 1 ինժեներական տեխնիկա, 8 անօդաչու սարք, 1ՄՄ 21 ռեակտիվ հրետանու մարտական մեքենա: Մարտական գործողությունների ընթացքում ադրբեջանական զինուժը տվել է ավելի քան 300 կորուստ, մոտ 2000 վիրավոր: