ԼՂ ներխուժել փորձող Ադրբեջանին անհանգստացնում է ԱՄՆ-ում մեծ ազդեցություն ունեցող հայ համայնքը, այդ թվում՝ 66 մլն հետևորդ ունեցող Քարդաշյանը. Foreign Policy
ОБЩЕСТВОTert.am-ը գրում է.
Ադրբեջանն ուրբաթ օրը փորձել էր ներխուժել Լեռնային Ղարաբաղ և տարածքներ գրավել, իսկ այօրվա դրությամբ Հայաստանն ու Ադրբեջանը հայտարարել են բախումների դադարեցման մասին:
Այս մասին գրում է Foreign Policy-ն և հիշեցնում, որ բախումների վերաբերյալ գրառում է կատարել և Հայաստանին իր զորակցությունն է հայտնել ամերիկահայ հեռուստաաստղ Քիմ Քարդաշյանը:
Աղբյուրը նշում է, որ Ադրբեջանին անհանգստացնում է ԱՄՆ-ում մեծ ազդեցություն ունեցող հայկական համայնքը` այդ թվում Instagram-ում 66 միլիոն հետևորդ ունեցող Քիմ Քարդաշյանը։
Նշվում է, որ աստղի հրապարակած լուսանկարն ու «Աղոթում եմ Հայաստանում գտնվող բոլորի համար» հեշթեգը զայրացրել է Միացյալ Նահանգներում Ադրբեջանի դեսպան Էլին Սուլեյմանովին:

Հեշթեգը հավանել է ավելի քան կես միլիոն մարդ:
Սուլեյմանովը պարբերականի հետ զրույցում նշել է, որ Քիմը շատ հայտնի է և սիրված, բայց պատերազմական գործերը նրա համար չեն:
Պարբերականը- հիշեցնում է, որ Ադրբեջանը տարիներ շարունակ պայքարում է` ԱՄՆ-ում բավական մեծ ազդեցություն ունեցող հայկական համայնքի և լոբբի դեմ, սակայն չնայած Բաքվի ջանքերին Կոնգրեսում Հայաստանի համախոհ կոնգրեսականները դատապարտեցին Ադրբեջանին, Լեռնային Ղարաբաղում սկսած բախումների սկզբում:



