Արցախի կառավարությունում ստեղծվել է աջակցության հարցերով օպերատիվ շտաբ
ОБЩЕСТВОԱրցախի համար ստեղծված այս ծանր իրավիճակում հազարավոր հայրենակիցներ դիմում են Արցախի Հանրապետության կառավարությանը՝ հայտնելով իրենց աջակցությունն ու օգնություն ցուցաբերելու պատրաստակամությունը: Արցախի Հանրապետության կառավարության աշխատակազմի տեղեկատվության եւ հասարակայնության հետ կապերի բաժնից տեղեկանում ենք, որ այդ կապակցությամբ Արցախի Հանրապետության կառավարությունը թիկունքային եւ ինժեներական աշխատանքները Պաշտպանության բանակի հետ համադրելու համար ստեղծել է օպերատիվ շտաբ, որը գլխավորում է ԼՂՀ վարչապետը:
Շտաբի անդամներն են ԼՂՀ փոխվարչապետ Արթուր Աղաբեկյանը, ԼՂՀ կառավարության աշխատակազմի ղեկավար-նախարար Լևոն Գրիգորյանը, էկոնոմիկայի նախարար Անդրանիկ Խաչատրյանը, քաղաքաշինության նախարար Կարեն Շահրամանյանը, աշխատանքի եւ սոցիալական հարցերի նախարար Սամվել Ավանեսյանը, ԱԱԾ տնօրեն Արթուր Հարությունյանը, գյուղի եւ գյուղատնտեսության աջակցության հիմնադրամի տնօրեն Աշոտ Բախշիյանը, Արցախի ներդրումային հիմնադրամի տնօրեն Արտակ Միրզոյանը:
Արտակարգ իրավիճակներում սահմանամերձ եւ հրետակոծման տակ գտնվող բնակավայրերի քաղաքացիներին ժամանակավոր տարահանման մասին ընդունված որոշումների համաձայն` բնակչությանը աջակցություն ցուցաբերելու եւ սոցիալական որոշ խնդիրների լուծման նպատակով ԼՂՀ կառավարության աշխատակազմում նշանակվել են պատասխանատուներ: Լեռնային Ղարաբաղի Հանրապետության համար բարեգործություն կատարել ցանկացողների համար օպերատիվ շտաբի կողմից ներկայացվել են Երեւան քաղաքում սպասարկող բանկը՝ «Արցախբանկ»-ն ու դրամական փոխանցումներ կատարելու բանկային հաշիվները: Որպես ստացող է ներկայացված ԼՂՀ ֆինանսների նախարարությունը:
Հաշվեհամարները հետեւյալն են՝
22300612211100 (ՀՀ դրամ).
22300110153200 (ԱՄՆ դոլար).
22300200153300 (Եվրո).
22300400153100 (ՌԴ ռուբլի)



