Շառլիզ Թերոնը լուսանկարվել Է Dior-ի բույրի գովազդում
ОБЩЕСТВОChristian Dior ֆրանսիական նորաձեւության տունը նորացրել Է իր J’adore արոմատ-բեսթսելերը: J’adore Eau de Toilette բուրավետ ջրի նոր բանաձեւի կազմության մեջ տեղ են գտել Վալորիսից բերված ներոլի, կարմիր նարնջի, ծաղկահյութերի, մագնոլիայի եւ դամասկոսյան վարդի երանգները: Բույրի գովազդային արշավի դեմքը, որին լուսանկարել Է Փիթեր Լինդբերգը, դարձել Է դերասանուհի Շառլիզ Թերոնը, տեղեկացնում Է «Արմենպրես»-ը՝ հղում անելով ապրիլի1-ի մամուլի տեղակագրին:
«J’adore Eau de Toilette-ն բացառիկ տեմպերամենտ ունի: Այն հրապուրում Է եւ շողում: Այն հույզերի ակնթարթային պայթյուն Է, բավարարվածության տանող կարճ ճանապարհ»,-ասել Է Ֆրանսուա Դեմաշին՝ Dior-ի պարֆյումերը եւ բույրի նոր տարբերակի ստեղծողը:
«Օսկար»-ի մրցանակակիր դերասանուհին՝ Շառլիզ Թերոնը, ոչ միայն լուսանկարվել Է բույրի գովազդում, այլեւ նրա մասին Փիթեր Լինդբերգին Է պատմել հատուկ տեսահոլովակում:
Christian Dior ֆրանսիական նորաձեւության տունը հիմնադրվել Է 1946 թվականին մոդելագործ Քրիստիան Դիորի կողմից: Ժամանակի ընթացքում այս բրենդի ներքո սկսել Է թողարկվել ոչ միայն կանանց ու տղամարդկանց հագուստ, կոշիկ եւ պարֆյումերիա, այլեւ ժամացույցներ, ոսկերչական իրեր ու կոսմետիկա:



