Հաջողակ մարդկանց 11 սննդային սովորույթ

ЛАЙФ 25 Март, 2016 21:07

Սովորույթ 1. Նստիր եւ կեր

Ոտքի վրա ուտելը դեռ ոչինչ: Բայց օրվա ընթացքում սննդի երեք ընդունումները պիտի տեղի ունենան հատուկ առանձնացված տեղում, հարմար նստած դիրքում: Դա իրոք կարեւոր է մարսողության համար:

Իմիջիայլոց, ոչ պակաս կարեւոր է սննդի վրա կենտրոնանալը: Այսինքն` սնունդ ընդունելու ընթացքում ոչ մի սմարթֆոն, հեռուստացույց, գիրք:

Սովորույթ 2. Սահմանափակիր շաքարը

Խոսքը ոչ թե ընդհանրապես քաղցրի մասին է, այլ հենց շաքարի: Այն մեղրով, մրգերով, ծայրահեղ դեպքում շոկոլադով փոխարինիր:

Սովորույթ 3. Հիմքը կանաչեղենն է

Իդեալականն այն է, որ բուսական ծագում ունեցող մթերքները քո ամենօրյա սննդակարգի 70-80 տոկոսը կազմեն: Դրանք կարող են լինել ոչ միայն մրգեր կամ բանջարեղեն. դրա մեջ ներառում ենք հատիկավորները, հացաբույսերը թարմ չորացված վիճակում, ընկույզները, արեւածաղիկը եւ ծիլերը:

Սովորույթ 4. Օրական մեկ անգամ ձուկ կեր

Նախընտրելի է ծովայինը, բայց գետի որակյալ ձուկն էլ հարմար է: Եթե դու չես ապրում ծովի կամ գետի ափին, որից էլ հենց որսում են ձկները, ավելի լավ է հրաժարվիր հում վիճակում ձուկ օգտագործելուց:

Սովորույթ 5. Սահմանափակիր եւ ընտրիր միսը

Միս պետք է օգտագործել ոչ ավելի հաճախ, քան շաբաթը 3-4 անգամ: Միաժամանակ նախընտրելի են ոչ ճարպոտ տեսակները (տավարի միս):

Հրաժարվեք այսպես կոչված մսային սննդամթերքից: Նրբերշիկը, երշիկը եւ ձկան սուկին այնքան էլ շատ չեն պարունակում օգտակար նյութեր (իսկ երբեմն նաեւ` միս որպես այդպիսին): Իսկ կոնսերվանտներն ու գունավորիչներն այստեղ շատ են:

Սովորույթ 6. Հրաժարվեք կովի կաթից

Մարդկային օրգանիզմն այնքան էլ լավ չի մարսում եւ յուրացնում ճարպերով հարուստ կովի կաթը: Հնարավորության դեպքում շատ ավելի օգտակար կլինի անցնել այծի կամ ոչխարի կաթի:

Սովորույթ 7. Ավելի քիչ կեր ձու

Չնայած օրգանիզմի համար ակնհայտ օգտակարությանը, ձվերը պետք է օգտագործել ոչ այնքան հաճախ. 2-3 անգամը բավարար է:

Սովորույթ 8. Ժամանակին խմիր

Աշխարհն արդեն վաղուց հրաժարվել է օրական 2-3 լ ջուր խմելու գաղափարից, չէ որ այդ մոտեցումից վնասն ավելի շատ է, քան օգուտը. օրգանիզմից հանվում են օգտակար միկրոտարրերը:

Այժմ գիտնականները խոսում են հեղուկների ժամանակին օգտագործման կարեւորության մասին: Այսպես, չարժե կոշտ սննդի հետ ջուր խմել, ինչպես նաեւ ջուր խմել սննդից 10 րոպե առաջ եւ հետո:

Սովորույթ 9. Ընտրիր գինին

Կարմիր գինին այն ալկոհոլային մթերքն է, որը պայմանականորեն ամենամեծ օգուտն է տալիս օրգանիզմին: Այդ պատճառով ավելի լավ է հենց դա ընտրել:

Սովորույթ 10. Օրվա ընթացքում սնունդ ընդունելու կարգի հետեւիր

Ամեն օր նույն ժամին սնվիր: Եվ երբեք բաց մի թող նախաճաշը. դա օրվա ընթացքում սննդի ամենակարեւոր ընդունումն է:

Սովորույթ 11. Չափից շատ մի կեր

Սովորիր կանգ առնել ավելի շուտ, քան հագեցածություն կզգաս: Սնունդն անմիջապես չի հասնում ստամոքսին եւ կախված նրանից, թե երբ կզգաս, որ կուշտ ես, օրգանիզմը քեզ դրանից հետո մի քիչ էլ «աշխատանք կտա»: Այդպես ստացվում է չափից շատ ուտել: Այդ պատճառով սեղանից վեր ենք կենում քաղցի թեթեւակի զգացմամբ:

Աղբյուրը` NEWS.am STYLE