ՍԱՊԾ-ն արգելել է Թուրքիայից մեխակի մեծ խմբաքանակի ներկրումը
ОБЩЕСТВОՀՀ գյուղատնտեսության նախարարության սննդամթերքի անվտանգության պետական ծառայությունն արգելել է Ա/Ձ Շողիկ Հովսեփյանի կողմից մարտի 22-ին ներմուծվող՝ թուրքական ծագում ունեցող 183.8 հազար հատ մեխակ ծաղկի մուտքը Հայաստանի Հանրապետության տարածք:
Ինչպես «Արմենպրես»-ին տեղեկացրին ծառայությունից, ծաղիկների կարանտին բուսասանիտարական վիճակը պարզելու նպատակով՝ ծառայության աշխատակիցները սահմանային վերահսկողության շրջանակներում իրականացրել են նմուշառում և ուղարկել այն միջատաբանական լաբորատոր փորձաքննության: Փորձաքննության արդյունքներով պարզվել է, որ մեխակի ամբողջ խմբաքանակը վարակված է բույսերի կարանտին վնասատու համարվող արևմտյան ծաղկային թրիպսով: Ծառայությունն արգելել է բեռի ներմուծումը. այն ենթակա է ոչնչացման կամ հետ վերադարձման:
Արևմտյան ծաղկային թրիպսն ամբողջ աշխարհում համարվում է կարանտին վնասատու: Այն ունի ամերիկյան ծագում,համարվում է բազմակեր, վնաս է հասցնում գրեթե բոլոր բանջարաբոստանային կուլտուրաներին և նույնիսկ մրգատու ծառերին,ինչպես նաև դեկորատիվ բույսերին և ծաղիկներին: Թրիպսի պատճառած վնասների հետևանքով` որոշ բանջարայինկուլտուրաների բերքատվության անկումը կարող է հասնել մինչև 90 տոկոսի: Մարդու կյանքին և առողջությանն այն վնաս չիհասցնում:
Վնասատուն համարվում է Հայաստանի Հանրապետության տարածքում բացակայող կարանտին օրգանիզմ:



